2 Samuel 18:18 - Hawaii Pidgin Bible

¹⁸ Befo time, wen Absalom still yet stay alive, he put up one big pos inside King Valley fo da peopo no foget him. Cuz he tink, “I no mo one boy dat can come king an make erybody no foget me.” Az why he name da pos fo him, an da peopo call um da Absalom Monument till today.

2 Samuel 18:18 交叉參考

Daniel 4:30

He tink, “Dis town, Babylon, stay big now! Az cuz I wen build um lidat fo come my house, da king! I do um cuz I stay real strong an peopo goin know I awesome an importan!”

2 Samuel 14:27

Absalom get three boys an one girl. Dey name da girl Tamar, an she come one real good looking wahine.

1 Samuel 15:12

Da nex morning early, Samuel get up fo go meet Saul. But da peopo tell, “Saul go Carmel town awready. An you know wat? Ova dea Saul awready wen put up one pile rocks fo erybody no foget dat he da one wen wipe out da Amalek peopo. Den he go da odda way, Gilgal side.”

Start 14:17

Afta Abram chase King Kedorlaomer an da odda king guys Hobah side, he go home. Wen Abram stay going home, da king fo Salem town come out fo talk wit him, Shaveh Valley, da place we call da King Valley. Da king fo Sodom town go dea too. King Melkizedek, da king fo Salem town, was one pries fo da God Dass Mo Importan Den All Da Odda Gods. He bring bread an wine fo Abram.

Songs 109:13

Cut off da peopo dat goin come From da guy dat stay agains me. No let nobody even rememba who da guy.

Songs 49:11

Dey wen put dea names On top da land dey own, Fo odda peopo know dass dea land, Dea grave goin be Da ony home dey get!

Start 11:9

An dass how come nowdays dey call dat place Babylon, cuz was dea dat Da One In Charge wen jam up dea language. Dat make all da diffren peopos hea inside da world talk diffren kine. “Babylon” soun kinda like how dey tell “jam up,” Hebrew language. Dass how Da One In Charge make all da diffren peopos go way from Shinar an go all ova da world.

Start 11:4

Den dey tell: “Eh! You know wat? Us go build one big town fo all us guys. Us make one big towa dea fo go up inside da sky wea God stay! If we do dat, den us goin get one big name, an all us guys goin stay hea togedda. We no need move house all ova da place no moa.”

Jeremiah 22:30

Dis wat he tell: “Write down dis Koniah guy name inside da records Jalike he neva have kids. Cuz from now till he mahke, he no goin do notting, No goin get nobody from his blood line Dat goin get da right one fo come king. Dey no can come da kings from King David blood Dat goin get da right fo stay in charge inside Judah!”

Census 32:42

An Nobah take ova Kenat an da small towns aroun dea, an call um Nobah, by his name.

Isaiah 22:16

‘Wassamatta you?! Dis not yoa kuleana, you know! How come you get yoa peopo hea?! Who give you da right Fo build one fancy kine tomb inside dis big stone Fo yoa ohana bury you ova hea wen you mahke, One tomb dass mo high inside Den da tomb fo da oddas inside da big rock?! Dass da place you goin stay afta you mahke!