4 Den da king tell Ziba, “From now, eryting dat Mefiboshet get stay yoas. Cuz I da king, an I give um to you.” Ziba tell, “I go down in front you, boss. I like be da kine guy dat you erytime like. Cuz you, my boss an king.”
Wen peopo go in front da judge, Da guy dat poin finga somebody talk firs. An he soun like he stay right, Till da odda guy get chance fo tell If da firs guy stay tell da trut.
If ony get one guy dat see someting happen, dass not enuff fo tell dat somebody wen do someting bad o do someting wrong. Ony can show proof wit two o three peopo dat see um do um.
No take dirty money notting, cuz dat kine money make da guy dat suppose to know wass right, jalike he blind an no can see notting, an make da judge figga, dat da peopo dat do da right ting, dey da bad guys.
Joab go down an put his face on top da groun fo show David respeck. An Joab aks Da One In Charge fo do good tings fo da king. Joab tell, “My boss, I yoa worka guy. Today I know fo shua you like lissen me cuz you do wat I wen aks you fo do.”
Mefiboshet, Jonathan boy an Saul grankid, come by David. He go down on top da groun fo show David respeck. David tell, “Eh Mefiboshet!” Mefiboshet tell, “Az me, an you my boss.”
Den King David call Ziba, da guy dat wen work fo Saul befo time. He tell um, “I stay give Mefiboshet, yoa boss grankid, eryting dat Saul an his ohana wen own.
Da king aks, “An Saul grankid, dat come from da guy dat was yoa boss, wea he stay?” Ziba tell um, “Dat one, he stay inside Jerusalem, cuz he tink, ‘Today, da Israel ohana goin give me back my granfaddah peopo fo me come king ova dem.’ ”
Wen King David come nea Bahurim town, get one guy from da Saul ohana, come outa da town. His name Shimei, Gera boy. Wen he stay come out, he yell fo God put kahuna on top da king fo hurt him.
