2 Samuel 15:7 - Hawaii Pidgin Bible

⁷ Afta four year, Absalom tell da king, “Let me go Hebron side fo do one ting dea fo Da One In Charge. I wen make one strong promise to him fo do um.

2 Samuel 15:7 交叉參考

Isaiah 58:4

Wen you guys skip food, You guys ony make argue an like beef! You no stay pray! You guys wack each odda wit yoa fis Fo do someting bad! If you guys skip food da way you stay do today, No tink you goin make me lissen you, Up hea inside da sky, Cuz I not!

Matthew 23:13

Den Jesus tell, “Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys shut da door so da peopo no can get God in da sky fo dea King. But you guys no like get him fo yoa King too. An you guys no let da peopo dat like get God fo dea king, get um.

Matthew 2:8

Den he sen um Betlehem. He tell, “Go! Look all ova da place till you find da boy. Den come back ova hea an tell me. Cuz I like go dea fo go down in front him an show him respeck too.”

Smart Guys 21:27

Wen da bad kine peopo make one sacrifice, Wat dey do, make God real mad. An wen dey make da sacrifice Fo help um do someting real bad, God come mo mad!

2 Samuel 13:38

Afta Absalom run away Geshur side, he stay ova dea long time—three year.

1 Samuel 16:13

So Samuel take da cow horn bottle wit oil inside, an pour um on top David, wit his braddah guys all aroun. Right den an dea, da Spirit from Da One In Charge take ova David, so from dat time he stay get da powa from Da One In Charge. Den Samuel go back home Ramah side.

2 Samuel 3:2

Hebron side, get boys born fo David. Numba One, Amnon, his muddah Ahinoam from Jezreel.

2 Samuel 3:3

Numba Two, Kileab, his muddah Abigail, Nabal widow from Carmel. Numba Three, Absalom, his muddah Maakah, an her faddah Talmai, da king fo Geshur nea Syria.