2 Samuel 14:9 - Hawaii Pidgin Bible

⁹ But da wahine from Tekoa tell da king, “My boss da king, if az wrong fo let go da killa guy, den let me get da blame, me an my faddah ohana. You an yoa ohana no mo da blame fo do dat.”

2 Samuel 14:9 交叉參考

1 Samuel 25:24

Down by his feets, she tell, “You da boss! Let me be da ony one get da blame fo all dis. Yeah, try let me, yoa worka wahine, tell you someting. Lissen up wat I goin tell.

1 Kings 2:33

Dese two guys mahke, an Joab get da blame fo dat, an erybody dat come from him, get da blame too. But fo David an da peopo dat come from him, an his ohana, an fo da kings dat goin come from David, Da One In Charge goin make eryting come good fo dem, foeva.”

Matthew 27:25

An all da peopo tell, “Yeah, us guys an oua kids goin be da one fo take da blame fo kill um!”

Census 35:33

“No make da land come pilau wea you guys live. Wen somebody kill anodda guy, dat make da land come pilau. You no can make pono da land wea somebody wen kill anodda guy. Ony if you kill da guy dat wen kill da odda guy, den you can make um pono.

Start 27:13

Jacob muddah tell um, “If he tell God fo do bad tings fo you, I goin tell God fo do bad tings fo me, not fo you! Jus go do how I tell you: go bring da bebe kine goats hea by me.”

Start 43:9

Me, I da guy dat goin get da kuleana fo take kea Benjamin. I goin take da blame if someting bad happen. If I no bring um back by you an show you dat he stay okay, den I goin come shame in front you till I mahke, cuz I goin know dass one bad ting I wen do to you.

2 Samuel 14:8

King David tell da wahine, “Go home. I goin tell my peopo wat dey gotta do fo help you.”

2 Samuel 14:10

Da king tell her, “No, if somebody talk any kine to you, bring um by me, an dey no goin bodda you one mo time!”