2 Samuel 14:7 - Hawaii Pidgin Bible

⁷ But you know wat? All da ohana stay agains me. Dey tell, ‘Give us da boy dat wen kill his braddah, fo us kill him fo pay back da life he wen take away from his braddah! Az how we goin wipe out da one dat suppose to get eryting da faddah wen leave, too.’ Dey goin kill da ony boy I get, jalike dey goin pio da las burning coal I get fo make fire tomorra! No goin get nobody inside dis world dat goin carry my mahke husban name!”

2 Samuel 14:7 交叉參考

Census 35:19

Da one from da mahke guy ohana dat get da kuleana fo pay back da killa guy, he can kill um wen he meet um.

Matthew 21:38

“But wen da farma guys spock da boy, dey tell each odda, ‘Eh, dis da guy goin own da farm. Go come, we go kill him an take ova da farm.’

2 Samuel 12:17

Da older palace leada guys stan by his side fo try get him up from da groun, but he no like. An he no eat wit dem.

Rules Secon Time 25:6

Da firs boy she born goin carry da mahke braddah name, fo da braddah blood line stay okay fo da Israel peopo.

Start 27:45

till he no like kill you no moa, an he foget da ting you wen do to him. Den, I sen somebody fo bring you back hea. No good I lose you two boys, same time!”

Start 4:14

So den, today you goin throw me outa da land an no let me work da groun no moa, an no let me stay by you, aah?! I gotta jus go hide! Goin be lidis: I gotta jus go one place inside dis world to anodda, an anybody dat meet me, bumbye dey like kill me!”

2 Samuel 14:6

Me, yoa worka wahine, I get two boys. One time, dem two wen fight wit each odda in da country side, an nobody stay ova dea fo broke up da fight. One boy wack da odda boy an kill um.

2 Samuel 14:8

King David tell da wahine, “Go home. I goin tell my peopo wat dey gotta do fo help you.”