2 Samuel 14:14 - Hawaii Pidgin Bible

¹⁴ Fo shua, all us peopo gotta mahke, an dass jalike wen watta spill on top da groun an nobody scoop um up one mo time. But wen peopo throw out somebody, God no goin kill da guy fo dat. He make one plan fo no make um stay too far away, an he bring um back fo shua.

2 Samuel 14:14 交叉參考

Job 30:23

I know you goin make me mahke, An go da place wea erybody dat stay alive gotta go.

Hebrews 9:27

Garans erybody ony mahke one time, an afta dat, dey gotta go in front God da Judge.

Census 35:28

Da guy dat wen kill da odda guy gotta stay inside da City A Refuge town wea he wen run to fo him no mahke, till da Main Pries Guy mahke. Den afta da Main Pries Guy mahke, da guy can go back his place.

Job 34:15

Den all da peopo goin mahke togedda. Fo come dirt one mo time.

Census 35:25

Da peopo dat come togedda fo judge, dey gotta take kea da guy dat wen kill somebody but neva make plan fo do um. Dey gotta make shua, dat da one from da mahke guy ohana dat get da kuleana fo pay back da killa guy, no can kill him. Dey gotta take him back da City a Refuge wea he wen run fo no get kill, an nobody can kill him dea. He gotta stay dea till da Main Pries Guy mahke, da one dat dey pour da oil dat stay spesho fo God on top him fo show he da Main Pries Guy.

Census 35:15

Dese six towns goin be da place fo da Israel peopo, an fo da peopo from anodda place dat stay wit you guys. Az why whoeva kill somebody an neva tink fo do um befo dey do um, dat guy can go fo stay dea.

Teacha 9:5

Da peopo dat stay alive know dat dey goin mahke, But da mahke peopo donno notting. Dey no goin get notting back, An erybody goin foget dem.

Songs 22:14

My life, jalike all pau awready, Jalike you dump watta on top da groun. All da bones inside my body, all hamajang. I feel jalike I stay melting inside, Jalike sof wax.

Job 14:14

If one guy mahke, he goin come alive one mo time, o wat?! If can, den all da time dat I gotta suffa, Az okay fo me fo wait, fo da time I no goin suffa no moa.

Rome 2:11

God make same same to erybody.

Matthew 22:16

So den dey sen da guys dey stay teach fo go by him, an some King Herod guys too. Dey tell, “Eh, Teacha, we know you tell da trut, an you teach da true kine stuff bout wat God like erybody fo do, no matta wat da peopo tink o who dem.

Songs 90:10

Da time us get fo live, ony seventy year, Maybe eighty, if we strong. But no matta how long us guys live, Da bestes year, Still make us guys come real tired An give us plenny humbug. Cuz da year pass real fas, Jalike we fly away.

Songs 90:3

You da One make peopo come dirt One mo time wen dey mahke. You tell, “You peopo, time awready Fo you come dirt jalike befo time!”

Songs 79:3

All ova Jerusalem town Dey wen kill yoa peopo An dump dea blood on top da groun Jalike dey pouring watta! No mo nobody fo bury yoa peopo!

Songs 58:7

I like dem disappea jalike watta Dat run away An you no see um no moa. Wen dey shoot dea arrows, I like notting happen.

Job 34:19

He no make mo betta to one prince den he make to anodda prince. He no make mo betta to da rich peopo den he make to da pooa peopo. Cuz he wen make all dem.

2 Samuel 11:25

David tell da messenja guy, “Tell Joab dis: ‘No let dat bodda you. Cuz wen get war, nobody know who goin mahke! Go fight plenny, an take ova Rabbah town, an bus up da place!’ Tell Joab dat fo make um feel mo strong.”

Rules Secon Time 10:17

Cuz oua God, dass Da One In Charge a us, he da real God mo den all da odda gods, an he da real Boss mo importan den all da odda bosses. He da big an strong God, an you betta be sked a him. He no make to one guy mo betta den da odda guy, an you no can pay him fo make him do spesho stuff fo peopo.

Prieses 26:40

“But maybe dey tell az was wrong, all da bad kine stuff dem an dea ancesta guys wen do. O maybe dey tell az was wrong fo broke my rules an no stay tight wit me. O maybe dey tell az wrong fo dem stay piss off wit me.

1 Peter 1:17

Wen you guys talk to God az jalike he yoa Faddah. He da Judge dat check out wat erybody do, an he no like one guy mo betta den anodda. Dass why you guys gotta show plenny respeck fo God fo eryting you do hea inside dis world.

Jesus Guys 10:34

Den Peter start fo talk. He tell um, “Now I know fo shua dat God treat erybody same same.

Outa Egypt 21:13

But if he neva go afta da guy fo kill um, but God jus let um happen, den God goin give da guys one place wea da guy can run an dey no can kill um ova dea.

2 Samuel 14:15

“An now I come hea fo tell you dis, my boss da king. Cuz da peopo make me stay sked bout my boy. I yoa worka wahine, an I figga, ‘I goin go talk to da king. Maybe he goin do wat I aks um fo do.

1 Kings 11:39

I goin make da ohana dat come from David come shame cuz a wat Solomon stay do, but dey no goin come shame foeva.’ ”

Songs 22:15

Befo time, strong, me. But now I all weak, Jalike wen da mud dry up from da sun. My tongue stay real dry, az why I no can move um. You wen throw me down on top da dirt fo me mahke dea!

Songs 77:8

Maybe God no like Stay tight wit his peopo no moa! Maybe da ting he wen promise fo do, He no goin do um now, o layta!

Sad Song 3:31

You know, wen da Boss throw out his peopo, Az not foeva!

Ezekiel 18:23

“You guys tink I stay good inside wen somebody dat do bad kine stuff get cut off from me, o wat?! No ways! Mo betta, me, Da One In Charge, da Boss, stay good inside wen dey walk away from da way dey wen live befo time. Cuz a dat, dey get da real kine life.