2 Samuel 11:27 - Hawaii Pidgin Bible

²⁷ Afta da time fo cry fo Uriah pau, David tell his guys fo bring her to his palace, an she come his wife. She born one boy fo him. But da way Da One In Charge see um, da ting David wen do was wrong.

2 Samuel 11:27 交叉參考

2 Samuel 12:9

Me, Da One In Charge! I tell peopo wat dey gotta do an wat dey gotta no do. So! How come you ack jalike wat I tell no mean notting?! Da way I see um, dis ting dat you wen do, az real bad! You wen murda Uriah da Het guy, an steal his wife fo come yoa wife. Az jalike you use da Ammon guys sword fo kill him.

Hebrews 13:4

An erybody gotta show plenny respeck fo da guy an wahine dat stay marry. Wen dey sleep togedda, dass good. Az why da husban o da wife betta not fool aroun behind each odda back. Cuz God goin punish da peopo dat fool aroun behind da odda back, an erybody dat fool aroun anybody dey no stay married to.

1 Records 21:7

An da way God see wat David tell Joab fo do, he tell az real bad too. So God punish da Israel guys.

Rules Secon Time 22:29

da guy dat rape her gotta pay da faddah one an one quarta poun silva. He gotta marry her an she goin stay his wife. Cuz he wen make her come shame, he no mo da right fo leave her, all da time he stay alive.

Start 38:10

Da One In Charge, he see dass real bad how Onan no do wat he suppose to do fo his mahke braddah guy. Az how come Da One In Charge make shua Onan mahke too.

Songs 5:6

Da guys dat bulai peopo, You goin wipe dem out bumbye. Da kine guys dat like go kill peopo, O da ones dat nobody can trus, Fo you, Da One In Charge, dey pilau.

Matthew 1:6

An Jesse, he King David faddah. Den had fourteen faddahs from David till dey come prisonas Babylon side: David, he Solomon faddah. An Solomon muddah Batsheba, befo dat she Uriah wife.

2 Samuel 15:26

But if Da One In Charge tell, ‘I no stay good inside wen I tink bout you, David,’ den I stay ready fo God make to me wateva stay good, da way he see um.”

1 Kings 21:16

Wen Ahab find out dat Nabot mahke, he go down take ova Nabot grape farm.

1 Kings 21:20

Elijah go dea, an Ahab tell, “You da guy dat stay agains me, an now, you find me!” Elijah tell, “Fo shua I find you, cuz you wen go sell out fo do real bad kine stuff dat Da One In Charge tell, no go do!

Smart Guys 6:29

Same ting if you go fool aroun wit anodda guy wife. You touch her, garans you goin get punish!

Isaiah 29:15

Bummahs! fo da guys dat tink dey can hide dea plans Inside one deep hole, so Da One In Charge donno bout um. Bummahs! fo da guys dat do dea work in da dark an tink, “Nobody goin see us! Nobody goin know!”

Sad Song 3:36

If somebody judge anodda guy, but no judge da right way, You tink da Boss no see dat?! Fo shua, he see um!