2 Samuel 1:18 - Hawaii Pidgin Bible

¹⁸ (He call um Da Sad Song Bout Da Bow. He tell da teacha guys fo teach da Judah guys how fo sing dis song. Stay inside da Book Bout Da Peopo Dat Stay Do Wass Right.) Dis da song:

2 Samuel 1:18 交叉參考

Joshua 10:13

Az why da sun wen wait, An da moon no move, Till da Israel guys pay back da guys dat stay agains dem. Jalike da Jashar book tell. Da sun stop in da middo a da sky, an no go down almos one whole day.

Rules Secon Time 4:10

No foget da time you guys wen stan in front oua God, dass Da One In Charge a us, Mount Sinai side, wen he tell me, ‘Bring hea all da peopo togedda in front me fo me tell um wat I like tell dem. Az how dey goin learn fo get awesome respeck fo me, all da time dey stay alive inside da land. An I like dey teach wat I tell dem to da kids too.’

Start 49:8

“Judah! Yoa braddah guys, Dey goin tell you awright. Erybody dat go agains you, You goin make dem do wat dey suppose to do. Yoa odda braddah guys, dey goin go down in front you Fo show you respeck.

2 Samuel 1:19

“Bummahs! Da mos awesome one From all da Israel peopo Stay mahke ova dea, on top da hills! Sad, cuz yoa bestes guys fo fight, Dey fall down, mahke awready!