2 Corint 6:14 - Hawaii Pidgin Bible

¹⁴ No go hook up wit da kine peopo dat no trus God. Cuz da peopo dat do da right kine stuff, an da odda peopo dat stay agains da Rules From God, dey no goin work togedda. Da good kine peopo an da bad kine peopo no can stay tight wit each odda.

2 Corint 6:14 交叉參考

1 Corint 15:33

Eh! No go tink da wrong way lidat! Jalike dey tell, “You hang out wit da bad kine guys, dat goin jam you up fo you no be one good guy!”

1 Corint 10:21

You guys, you no can drink from da cup dat show you stay tight wit Da One In Charge, an same time, you drink from one diffren kine cup dat show dat you stay tight wit da bad kine spirits. You guys no can eat da food from da table dat show you stay tight wit Da One In Charge, an same time, you stay eat da food dat show dat you stay tight wit da bad kine spirits. Come on!

James 4:4

You guys, jalike you go fool aroun behind God back! An you guys ack jalike you neva know dis: Whoeva love da bad kine stuff inside da world, fo real, dat guy stay agains God! So, whoeva come frenz wit all da bad kine stuff inside da world, dat guy show dat he stay agains God fo shua!

Prieses 19:19

“Do wat I tell you you gotta do. “No make diffren kine animals breed wit each odda. “No plant two diffren kine seeds inside yoa field. “No wear da kine clotheses dat somebody weave from two diffren kine string, jalike wool an linen.

1 Corint 5:9

Jalike I wen tell you guys inside my letta befo time, “No hang aroun da kine peopo dat fool aroun.”

Songs 106:35

Dey marry an come hapa wit da peopos dat stay dea, An learn how fo do Da kine stuff dat dose peopo stay do.

1 Kings 18:21

On top Mount Carmel, Elijah go in front all da peopo. He tell, “You guys gotta make up yoa mind right now, one way o da odda way! If Da One In Charge stay God fo real kine, go wit him! But if Baal stay God fo real kine, go wit him!” Da peopo, dey no say notting.

Smart Guys 22:24

No come frenz wit da kine guys Dat get mad bout eryting. No hang out wit da kine guys Dat come huhu weneva someting happen.

Philippi 2:15

Den nobody can poin finga you guys cuz you guys ony do good kine stuff. Fo real, you guys God kids! Erybody all aroun you guys stay crooked an all jam up. But you guys, you diffren. You erytime do wass right, hea inside da world. Dass jalike da stars dat shine no matta stay dark all ova.

Malakai 2:11

Da Judah peopo, no can trus dem. Some a da Israel peopo, an da peopo inside Jerusalem, Dey do unreal pilau kine stuff dat make you like puke. Cuz da Judah peopo, dey even go marry Da wahines dat show love an respeck to da gods from odda places. Dass how dey make pilau da place dat stay spesho Fo Da One In Charge, Da place God get love an aloha fo.

Smart Guys 29:27

Da peopo dat stay do wass right, Dey tink az pilau, wen peopo do wass wrong. Da bad kine peopo, Dey tink az pilau, wen peopo live da right way!

Songs 119:63

Me, I good frenz wit all da peopo Dat feel jalike dey sked Wen dey in front you, An do jalike you tell um fo do.

John 7:7

Da peopo inside da world, dey no goin hate you guys. But dey hate me, cuz I tell um dat da kine stuff dey stay do, az real bad kine stuff!

Malakai 2:15

Fo shua God wen make you an yoa wife one?! He da One dat own you guys body an spirit. An you know why Da One In Charge wen make you one? So wen you get kids, dey stay all out fo God! Az why you guys take kea fo stay okay inside, an no bulai da wife you wen marry wen you was young.

1 Corint 7:39

So den, da wife gotta stay wit da husban till he mahke. Afta he mahke, she can marry if she like, but ony if da odda guy stay tight wit Da One In Charge.

Outa Egypt 34:16

Den you goin make one deal wit dem fo yoa boys marry dea daughtahs. But dea daughtahs, dey goin go all out fo do stuff fo dea gods, jalike wen one guy like go all out fo fool aroun one hoa, an dey goin make yoa boys like do da same ting jalike dem fo dea wifes gods.

Songs 16:3

Da peopo inside dis land Dat stay spesho fo God, Dey awesome! Dey make me feel good inside Wen I tink bout um.

Ezra 10:19

Dey make one strong promise fo sen back dea wifes. Fo show dey like God take away da shame fo da ting dey wen do, dey kill one boy kine sheep fo make one sacrifice fo God.

2 Records 19:2

Jehu (his faddah Hanani, da guy dat can see wass goin happen) go out fo meet da king. He tell da king, “You tink az good you help da guys dat do real bad kine stuff, o wat?! You tink az good, you get love fo da guys dat hate Da One In Charge, o wat?! Cuz you wen do dat, Da One In Charge stay huhu wit you!

Jesus Guys 4:23

Afta da leada guys let Peter an John go, Peter an John go home by dea peopo, an tell dem eryting da Main Pries guys an da older leada guys tell dem.

Start 24:3

I like you make me one strong promise in front Da One In Charge, da God dat stay in charge a da sky an da whole world. Promise an swea to God dat you goin find one wahine fo my boy. But you gotta promise, no go find one Canaan kine wahine from dese peopo aroun hea wea I live.

1 Corint 6:6

But one braddah go take anodda braddah in front da judge! Mo worse, da judge no even trus God!