2 Corint 5:18 - Hawaii Pidgin Bible

¹⁸ All dat stuff come from God. He wen make us guys come pono wit him cuz a wat Christ wen do. An he wen tell us fo help da odda peopo come pono wit him too.

2 Corint 5:18 交叉參考

1 John 4:10

Dis how da real kine love an aloha stay: God wen get love an aloha fo us guys, no matta us guys no mo love an aloha fo him. An he wen sen his Boy fo mahke. An cuz he wen mahke, he come da sacrifice dat hemo da shame fo all da bad kine stuff us guys wen do.

Rome 5:1

Cuz us guys trus God, az why God tell us guys we get um right wit him. Us pono wit him, cuz a wat Jesus wen do, Da One In Charge a us guys.

Rome 11:36

Eh, eryting come from God! Eryting happen cuz God make um happen! Eryting us guys do, We do um fo him! Erytime us like tell, He da greates, An he stay da greates foeva! Dass fo shua!

1 John 2:2

Jesus, he da One dat wen mahke fo come da sacrifice fo us. Dass how he let us guys go an hemo da shame fo all da bad kine stuff we wen do. Jesus wen mahke, not fo us guys ony, but fo da bad kine stuff dat all da peopo inside da whole world do.

1 Corint 8:6

But fo us guys, ony get one God, He oua Faddah. Eryting come from him, An us guys do eryting fo him. An ony get one Guy Dat Stay In Charge, Dass Jesus Christ. Wen God make eryting, Jesus da One wen do um, An us guys stay live Cuz Jesus give us da real kine life.

John 3:16

“God get plenny love an aloha fo da peopo inside da world. Dass why he sen me, his one an ony Boy. Cuz a dat, erybody dat trus me no goin get cut off from God foeva! Dey goin get da real kine life dat goin stay to da max foeva!

Luke 24:47

Afta dat, his guys goin teach all da diffren peopos inside da whole world bout da Christ Guy, da Spesho Guy God Wen Sen. Dey goin tell da peopos dey gotta come sorry fo all da bad kine stuff dey stay do, an no do um no moa. So den, God goin let go da peopos an hemo dea shame fo all da bad kine stuff dey wen do. His guys goin go teach lidat cuz dey his guys an dey get his powa, an dey goin start Jerusalem side.’

James 1:17

Erytime somebody give you someting nice an spesho, all dat come from yoa Faddah up dea inside da sky. He wen make all da lights inside da sky—da sun, an moon, an stars. But God no change jalike da tings inside da sky change.

Hebrews 2:17

Dass why Jesus gotta come jalike his braddahs an sistahs, ery kine way. An cuz Jesus jalike his braddahs an sistahs, he goin come dea Main Pries Guy fo take kea all da kine stuff da Jew Main Pries Guy do fo God. He give da peopo chance, an he da kine guy dey can trus. Cuz az who him, an he goin hemo da shame fo all da bad kine stuff da peopo do, an bring um back togedda wit God.

1 Corint 12:6

God make all diffren kine tings happen fo all da diffren peopo, but get da same God dat stay make eryting happen fo erybody.

1 Corint 1:30

You guys know how come you stay tight wit Jesus Christ? Az cuz God like um fo be lidat, dass why! God, he make Jesus da One fo make us guys know wat fo do erytime. An Jesus make us get um right wit God, an stay spesho fo God, an hemo us guys from da powa da bad kine stuff wen get ova us!

Jesus Guys 10:36

Dis da Good Stuff dat God send peopo fo tell da Israel peopo: ‘Eh! Us guys can come frenz wit God an feel good inside cuz a wat Jesus Christ wen do. He Da One In Charge a eryting an erybody.’

John 3:27

John tell um, “No can get notting, ony wat God in da sky give.

Isaiah 52:7

Real nice! Wen we see da messenja guy feet Stay coming ova da mountains Fo tell us good kine stuff! He make shua erybody hear, “Eryting goin come good now! Good tings goin happen! Da One In Charge goin get us outa trouble.” He tell God peopo, Jerusalem town, “Yoa God, he da king now!”

Daniel 9:24

“Seventy times seven year, az da time God wen make fo yoa peopo an fo yoa town dat stay spesho fo God: fo make da peopo dat go agains God stop, fo make da ones stay do bad kine stuff stop, fo make sacrifice, fo make da peopo dat do wass wrong come pono wit God, fo make dem do da right kine stuff all da time, fo put seal fo show dat wat da guy dat talk fo God dream stay fo real, an fo make da Real Real Spesho Place inside da Temple come spesho fo God one mo time.

Luke 10:5

Wen you go inside one house, firs tell um, ‘I come fo tell God fo make you guys come so notting bodda you, fo all you guys inside dis house.’

Ezekiel 45:15

an one sheep fo ery two hundred sheeps you get inside da grass lands wea get plenny watta inside Israel. Dese goin be fo yoa wheat o barley sacrifices, da burn up kine sacrifices, an da sacrifice dat show dat da peopo an me Da One In Charge stay okay, an make dem come pono wit me. Az wat me Da One In Charge, da Boss, tell.

Prieses 6:30

But da blood fo da sacrifice you make wen somebody do someting bad, if you bring some a da blood inside da Tent Wea Da Peopo Come Fo Meet Me, Da One In Charge, fo make da guy dat do one bad ting come pono wit me inside da spesho place, den no can eat da meat. Gotta burn um all up.

Isaiah 57:19

I goin make da peopo talk diffren den befo time. Dey goin tell, ‘Da peopo far an nea, Dey goin come so notting bodda dem!’ ” An Da One In Charge tell, “Jalike my peopo stay sick, An I goin make dem come good.”

1 Corint 3:5

Apollos, who da guy? Paul, who me? Me an him, we jus helpa guys. We help you guys fo trus Christ. Apollos, he do wat Da One In Charge like um fo do, an me, I do wat Da One In Charge like me fo do.

1 Corint 11:12

God wen make da wahine outa da man, firs time. But afta, all da mans born from wahines. An God, he da One dat wen make eryting happen lidat.

Colosse 1:22

But now Christ make eryting come pono wit God cuz Christ wen mahke die dead in his body. Az how he make you guys come good an spesho fo God so nobody poin finga you guys an give you da blame. Az da way he see you guys.