2 Corint 5:10 - Hawaii Pidgin Bible

¹⁰ You know, erybody gotta go in front Christ da Judge, an us no can hide notting. Dat time us goin get back wat we wen do, wen we wen stay inside dis world. An no matta us wen do da good kine stuff o da no good kine stuff.

2 Corint 5:10 交叉參考

Matthew 16:27

I da Fo Real Kine Guy. I goin come back wit God angel messenja guys from da sky. Goin be awesome, cuz my Faddah, he awesome. Den I goin pay erybody fo wat dey wen do, good kine o bad kine.

Jesus Show 22:12

Jesus tell, “Eh, lissen! I stay come back real fas! An I goin bring wit me da stuff fo give back to erybody fo eryting dey wen do.

Efesus 6:8

Cuz you guys know dat Da One In Charge goin give good kine stuff to erybody dat do good kine stuff, no matta dey one slave o not one slave.

Teacha 12:14

Erybody gotta go in front God da Judge bout eryting dey wen do, Even all da stuff dey try hide, no matta good o bad.

Songs 62:12

Eh, my Boss, you God! An you da ony one Dat stay tight Wit yoa peopo fo real kine! You pay erybody Fo wateva dey wen do.

1 Corint 4:5

So, no make jalike you guys da judge fo odda peopo. Wait till Da One In Charge come back. He da One goin bring out in da light all da bad kine stuff da peopo try hide in da dark. He goin show all da tings dat dey tink inside dem. Den God goin talk good bout da good tings erybody do.

1 Peter 4:5

Bumbye dey goin stan in front God da Judge an tell him how come dey wen make lidat. God stay ready fo dem. You know, erybody gotta stan in front him, da guys dat stay alive an da guys dat wen mahke.

Songs 98:9

Cuz all dem stay In front Da One In Charge! Fo shua he stay coming fo be da judge Fo erybody inside da world. He goin judge da world da right way, An he no goin make Diffren kine to diffren peopos!

Jesus Guys 17:31

He set up one day wen he goin judge erybody inside da world. He goin sen one guy fo judge um da right way. He show dat dis stay true cuz he bring dat guy back alive from mahke.”

Jesus Guys 10:42

He tell us fo teach da peopo an fo tell dem dat we know he da One dat God Wen Send fo judge da peopo dat stay alive an da peopo dat stay mahke.

Job 34:11

Cuz God pay peopo fo wat dey wen do. He make tings happen to erybody Dat go wit wat dey wen do, good o bad.

Jesus Show 2:23

Fo shua, I goin kill erybody dat make jalike her. Den all da church peopo goin know dat I da One dat look inside da heart an da head an know wat erybody stay like, an wat dey tink, an I goin pay erybody fo wat dey do, good o bad.

Teacha 11:9

You young guys, stay good inside wen you young. Inside, yoa heart make you dance an sing. Do wat you like do, An see wat you like see. But no foget, dat fo all dis stuff, Bumbye God goin judge you.

Ezekiel 18:30

“Eh! You Israel ohana peopo! Az why me, Da One In Charge, da Boss, goin be da judge fo all you guys fo how you ack. Dis wat me Da One In Charge, da Boss, tell: Walk away from all da bad kine stuff you guys do agains me! Make shua all da stuff you guys do dat stay wrong, no goin make you come wipe out!

1 Kings 8:32

Den I like you lissen from da sky An judge wat da guy dat swea to you tell, An wat da odda guy tell. Fo da one dat wen do someting bad, Make da bad ting he wen do Come back an hurt him. An fo da one dat do da right ting, Show um dat he get um right wit you, Cuz wat he do, az wass right.

Start 18:25

No can be dat you goin wipe um all out, da way you wen tell! If you kill da peopo dat do da right ting, same time you kill da bad peopo, den dat mean you tink dey not diffren, da peopo dat do da right ting an da bad peopo! No can be! You da Judge fo all da peopo inside da world. So den, you gotta make diffren kine to da good peopo an to da bad peopo!”

1 Kings 8:39

Den I like you lissen from da sky wea you stay, An let um go from da bad tings dey wen do, An hemo dea shame, An help um! Ony you know how all dem stay inside, So help all dem, da way dey need help!

1 Samuel 2:10

Dose peopo dat go agains Da One In Charge, he goin smash um down. He even goin make da thunda, dat stay inside da sky, make dem all hamajang. Da One In Charge da One goin judge da peopo all ova da world. “He goin give plenny powa to da guy he wen pick fo be da king. He goin make da guy he wen pick, come mo strong erytime.”

Rome 6:19

I talk lidis cuz you guys undastan bout slaves. Cuz inside, you guys no stay strong. Befo time, jalike you guys da kine peopo dat force peopo fo do ony pilau kine stuff, jalike you slaves. An you force peopo fo broke da Rules from God, jalike you slaves. Az how you guys was. But now, you guys go fo broke fo come da kine peopo dat do ony wass right. Dat goin make you guys come good an spesho fo God.

1 Samuel 2:3

“Eh you guys! Shut yoa mout! No talk like you get big head awready! Cut da pilau attitude, aah?! Cuz Da One In Charge, he da God dat know eryting. An he da One dat figga out awready If da work somebody do, stay good o no good!

2 Corint 7:3

I no tell dis fo poin finga you guys. Jalike I tell befo time, us guys get plenny love an aloha fo you guys. No matta wat, we like be togedda wit you guys, mahke o alive!

Rome 2:16

Dass how goin be bumbye wen God goin make Jesus Christ da Judge fo da secret stuff inside erybody. Dass wat da Good Kine Stuff From God tell, an dis wat I stay teach.

Hebrews 9:27

Garans erybody ony mahke one time, an afta dat, dey gotta go in front God da Judge.