(Now, befo time, wit da Israel peopo, wen one guy go some place fo find out someting from God, he tell, “Come! We go by da guy dat can see wass goin happen,” cuz az wat dey call da guys dat talk fo God, dat time, “guys dat can see.”)
Wen dey stay go up da hill to da town, dey meet some girls dat come out fo get watta from one well. Saul guys tell dem, “Da guy dat can see wass goin happen, he stay, o wat?”
Bumbye, Saul uncle aks him an da worka guy, “Wea you guys wen go?” Saul tell, “Us wen go look fo da donkeys. But wen we no can find um, we go by Samuel.”
