18 Da time goin come wen you guys goin yell to Da One In Charge, fo help you run away from da king dat you guys wen pick, but wen dat time come, Da One In Charge no goin help you guys!”
Bumbye, dose leada guys goin yell real loud Fo Da One In Charge help dem. But he no goin ansa dem! Dat time he goin hide his face from dem guys, Cuz a all da bad kine stuff dey wen do.”
Wen you guys put up yoa hands fo pray to me I goin look da odda way. No matta you pray long time, I no goin lissen. Yoa hands stay dirty all ova From da blood a da peopo you wen kill.
Da peopo goin go all ova da land, one side to da odda side. Dey goin feel plenny presha an dey goin stay hungry. An cuz dey hungry, dey goin come real huhu. Dey goin look up an swear at dea king an dea God.
God jalike one house owna dat eat, den go lock da door fo go sleep. Den you guys goin stan outside an start fo knock da door an tell, ‘Eh Boss, try open da door fo us!’ But he goin tell you guys, ‘I donno who you guys o wea you guys come from!’
Dey yell fo somebody help dem, But no mo nobody get um outa trouble. Eh! You Da One In Charge! Dey even wen yell fo you help dem, But you no do notting fo dem.
Yeah, my faddah wen make you guys bus ass, jalike he wen put one heavy yoke on you guys. Now me, I goin make you guys bus ass even moa! My faddah wen use whips fo teach you guys wat you gotta do. I goin use scorpions fo teach you!’ ”
So same ting. Me, Da One In Charge, I real huhu. I goin show how huhu I stay wit dem. I no goin pity dem. I no goin hold back. No matta dey yell loud, I no goin lissen dem.”
