1 Samuel 7:6 - Hawaii Pidgin Bible

⁶ Wen da peopo come togedda Mizpah side, dey bring watta from one puka, an pour um out in front Da One In Charge. All day, da peopo skip food wen dey pray, an tell Da One In Charge, “Us sorry, aah?! dat we wen go agains you an do bad kine stuff.” An Samuel, he stay da leada guy fo judge da Israel peopo Mizpah side.

1 Samuel 7:6 交叉參考

2 Samuel 14:14

Fo shua, all us peopo gotta mahke, an dass jalike wen watta spill on top da groun an nobody scoop um up one mo time. But wen peopo throw out somebody, God no goin kill da guy fo dat. He make one plan fo no make um stay too far away, an he bring um back fo shua.

1 Samuel 1:15

Hannah tell um, “Oh, mista, sorry, aah? Az not how stay! I not piloot! I neva drink notting! Me, I jus one wahine dat donno wat fo do! So I stay pray real hard hea in front Da One In Charge. I tell him all my pilikia.

Local Leadas 10:10

Den da Israel peopo yell to Da One In Charge fo help um. Dey tell, “Us guys wen do bad kine stuff agains you! We wen bag from you, oua God, an work fo da Baal gods!”

Joel 2:12

Da One In Charge tell, “No matta I stay come awready, Go all out fo come back to me! No eat so you can pray. Cry, an stay sad inside.”

Jeremiah 9:1

I like my head come jalike one spring fo watta, An my eyes jalike one fountain fo my tears come out! Cuz I like cry plenny, day time an nite time, Cuz plenny peopo get kill, an dey my peopo.

Songs 106:6

Us guys, we do bad kine stuff, Jalike oua ancesta guys wen do. Us make crooked kine, An do wass wrong.

Songs 62:8

Eh you peopo! Trus God foeva! Tell him eryting you tink bout! God, he da One Stay hide us guys from trouble. (Time out fo da music.)

Luke 15:18

Mo betta I go back by my faddah. Den I can tell um, “Eh Daddy! I wen do one real bad ting agains God in da sky an agains you.

Songs 119:136

I cry real plenny, Jalike get ditch watta Stay come outa my eyes. Cuz get peopo dat no do Wat yoa Rules tell.

1 Kings 8:47

But den, yoa peopo goin turn aroun An start fo tink strait, Ova dea inside da land Wea dey stay prisonas. Dey goin change dea mind An beg you fo give um chance, Ova dea inside da land Fo da peopo dat make um prisonas. Dey goin tell you, ‘Us guys wen do bad kine tings An do wrong. Us get da blame fo da bad tings we do!’

Ezekiel 20:4

“Eh! Fo Real Kine Guy! Go judge dem fo wat dey wen do. Make shua dey know was pilau, da kine stuff dea ancesta guys wen do.

Sad Song 3:49

I goin stay cry erytime. I no can stop

Sad Song 2:11

I cry till my eyes no can see notting. I suffa inside my gut. Jalike my heart pour out on top da groun. Cuz my Jerusalem peopo come wipe out awready. Da bebes an da kids pass out On top da streets inside Jerusalem.

Jeremiah 31:19

Afta us guys wen go da wrong way, us come real sorry. Afta you show wat kine guys us, us slap oua head. Us get plenny shame an peopo no mo respeck fo us, Cuz from small kid time, us do bad kine stuff, an peopo talk bad bout us.’ ”

Songs 42:3

Ery time, peopo stay aks me, “Eh! Yoa God, How come he no stay by you?!” An da ony ting I do, I cry, Day time an nite time!

Songs 6:6

I stay tired cuz I stay moan all da time. Ery nite, I cry till da bed all wet. My pillow wet cuz I stay crying.

Job 42:6

Az why now I pau poin finga you! I goin change my attitude! An fo show I sorry, I stay sit in da dirt an ashes.”

Job 40:4

“Me, I one nobody! No ways I can ansa back you. I shut my mout!

Job 33:27

Den da guy go in front erybody an tell, ‘I wen do bad kine stuff. I wen jam up wat stay right. But God neva punish me fo pay me back!

Job 16:20

My frenz, dey da ones talk bad bout me! But I stay cry in front God.

Nehemiah 9:27

Cuz a dat, you wen make shua, Da odda peopo dat stay agains oua Israel ohanas Bus up oua peopo an make um suffa. But wen oua peopo wen suffa, Dey yell to you fo help dem. You hear dem from inside da sky, An cuz you get plenny pity fo dem, You wen give some leada guys to oua peopo, Fo get um outa da hard times dey stay in Cuz a da ones dat stay agains dem.

2 Records 20:3

Jehoshafat come sked. He make up his mind fo go in front Da One In Charge an aks him wat goin happen. An he tell all da Judah peopo fo skip food wen dey pray.

Local Leadas 3:10

God Spirit take charge a Otniel, so he come da local leada guy fo da Israel peopo, an lead dem fo fight. Da One In Charge give him da powa fo win ova Kushan-Rishataim, da Aram king.

Prieses 26:40

“But maybe dey tell az was wrong, all da bad kine stuff dem an dea ancesta guys wen do. O maybe dey tell az was wrong fo broke my rules an no stay tight wit me. O maybe dey tell az wrong fo dem stay piss off wit me.

Start 31:49

Dey call da rock pile Mizpah too, dat mean “Place Fo Watch From,” cuz Laban tell, “I like Da One In Charge watch you an watch me, all da time dat us no can see each odda.

Prieses 16:29

“Dese rules you guys goin do foeva. Da month numba seven fo yoa kine year, da day numba ten, all you guys no can eat fo you pray. An no can work, anybody dat born one Jew, o anybody from anodda place dat stay with you guys.

1 Samuel 7:15

Samuel stay da local leada fo da Israel peopo all da time he stay alive.

Jeremiah 36:9

Was da year numba five, month numba nine, wen Jehoiakim, Josiah boy, stay king fo da Judah peopo. Had one time fo no eat so da peopo can pray in front Da One In Charge an beg him fo help dem. Dey make dat time fo all da Jerusalem peopo, an da peopo dat come inside Jerusalem from da Judah towns.

Joshua 18:26

Mizpah, Kefirah, Mozah,

Local Leadas 2:4

Wen da angel messenja guy pau talk lidat to all da Israel peopo, dey cry loud.

Local Leadas 10:15

But da Israel peopo tell Da One In Charge, “Us guys wen do bad kine stuff! Do wateva you figga fo punish us guys. But try help us! Get us outa trouble now!”

Local Leadas 20:23

Da Israel guys go up an cry in front Da One In Charge till almos dark. Dey aks Da One In Charge fo tell um, “We goin go agains oua braddahs one mo time, da Benjamin guys?” Da One In Charge tell dem, “Go agains dem.”

Local Leadas 20:26

Den all da Israel peopo, an all da army guys, go up to Bethel. Dey sit ova dea, crying in front Da One In Charge. Dey skip food dat day fo pray till almos dark, an make burn up kine sacrifices, an da kine sacrifices dat tell dat dey stay good wit Da One In Charge.

1 Samuel 10:17

Den Samuel tell da Israel peopo fo come togedda in front Da One In Charge Mizpah side.

1 Samuel 12:10

Yoa ancesta guys wen yell to Da One In Charge, an tell, ‘We wen do bad kine stuff! We wen bag from you, Da One In Charge, an work fo da Baal gods an da Ashtoret gods! But now, Da One In Charge, get us outa trouble from da guys dat hate us! Den we goin work ony fo you!’

1 Records 11:18

So da Big Three army guys fight thru wea da Filisha guys make camp, get watta from da watta storage place nea da Betlehem town gate, an bring um back by David. But he tell he no goin drink um, an he pour um out fo make one drink kine sacrifice fo Da One In Charge.

Job 3:24

I ony yell an moan, an no can eat. I stay moan loud cuz I stay crying plenny.

Sad Song 5:16

Da lei fall off oua head, cuz we wen come all bum out! Bummahs fo us guys! Us wen do bad kine stuff!

Hosea 5:1

Da One In Charge tell, “Lissen, you pries guys! Lissen good, all you Israel ohana peopo! An lissen, you king an yoa ohana! Wat da judge tell stay agains you guys: You guys wen lead peopo to one trap Mizpah side. An az jalike you spread out one net fo catch peopo at Mount Tabor.