1 Samuel 7:10 - Hawaii Pidgin Bible

¹⁰ Same time Samuel stay make da burn up kine sacrifice, da Filisha guys stay come nea fo fight da Israel guys. But right den an dea, Da One In Charge make one loud, big, strong kine thunda fo go agains da Filisha guys, an make dem come real mix up fo dem run away.

1 Samuel 7:10 交叉參考

1 Samuel 2:10

Dose peopo dat go agains Da One In Charge, he goin smash um down. He even goin make da thunda, dat stay inside da sky, make dem all hamajang. Da One In Charge da One goin judge da peopo all ova da world. “He goin give plenny powa to da guy he wen pick fo be da king. He goin make da guy he wen pick, come mo strong erytime.”

1 Samuel 12:17

You guys know dat da time fo harves da wheat stay now, an no mo rain dis time. But today, I goin aks Da One In Charge fo sen thunda an rain. I like you guys see dat, an know az real bad wen you guys aks fo one king, cuz az da way Da One In Charge see um too!”

Local Leadas 5:20

Was jalike da stars fight from da sky! From dea path, dey fight Sisera.

Joshua 10:10

Da One In Charge make da Amor guys come all jam up wen dey see da Israel guys. Az how Da One In Charge wack da Amor guys real hard Gibeon side. Den he chase um up da road dat go Bet-Horon Pass, an wipe um out all da way to Azekah an Makkedah.

Zekariah 4:6

Az why he tell me, “Dis wat Da One In Charge, Da God Ova All Da Armies, tell Zerubbabel da pries guy: Wat you goin do, you no can do um jus cuz you strong, o get plenny powa! Da ony way you can do um, is cuz my Spirit give you da powa!

Local Leadas 5:8

Befo time, wen da peopo pick new gods, Den get war in front da gates fo da big town, But no mo shield o spear Fo 40,000 Israel guys.

Local Leadas 4:15

Wen Barak guys wack da Sisera guys wit swords, Da One In Charge make dem win ova Sisera an his war wagons an army guys. So Sisera get outa his war wagon, an run away.

1 Samuel 7:11

Da Israel guys run outa Mizpah, an run afta da Filisha guys, an kill dem wen dey stay run, all da way makai side Bet-Kar.

1 Samuel 14:15

Den all da odda Filisha army guys come real sked an shaking—da guys inside da camp an on top da level groun inside da valley, da small kine camps outside da main camp, an da bunches a army guys dat go out fo fight. Den, da groun shake! God da One dat make dem come even mo sked.

Songs 29:3

Wen Da One In Charge tell someting, Can hear um all ova da ocean, Mo loud den da big waves. Wen da awesome God talk, Soun jalike wen one storm wit thunda come ova da big ocean.

Songs 29:4

Wen you hear Da One In Charge tell someting, You know he strong. Wen he talk, You know he awesome.

Rules Secon Time 28:7

“Da One In Charge goin make you guys win ova da guys dat stay agains you guys, wen dey come fo attack you. Dey goin come fo you guys from one side, but dey goin run away to seven places wen you chase um.

Songs 18:15

Da One In Charge tell “Not good, wass happening!” Den he blow one real hard blas so can see da bottom a da ocean, An can see da foundation rock wea da earth stan.

Songs 78:66

God wack da peopo Dat wen go agains him An make dem come shame Fo long time.