1 Samuel 4:13 - Hawaii Pidgin Bible

¹³ He reach Shiloh. He see Eli by da side a da road, sitting on top da pries chair, waiting, cuz Eli, he stay sked wat goin happen to Da Box Fo No Foget Da Deal Wit God. Dis Benjamin guy go inside da town fo tell wat wen happen, an afta dat, all da peopo dea yell fo help.

1 Samuel 4:13 交叉參考

1 Samuel 1:9

One time, wen dey all at da place Da One In Charge stay, Shiloh town, Eli da pries guy stay sit on top his pries chair by da door. Elkanah guys pau eat. But den, Hannah feel real junk. Az why she stan up an go outside fo pray to Da One In Charge. An she start fo cry an no can stop!

1 Samuel 4:18

Wen da guy tell bout Da Box, Eli fall back from da chair, ova dea by da side a da town gate. An cuz he so ol an real fat, his neck broke, an he mahke. Fo forty year, Eli wen lead da Israel peopo.

Songs 26:8

Eh! You Da One In Charge! Fo real kine, I like da house wea you live! Fo real kine, I like go da place Wea peopo see how awesome you stay!

Joshua 7:9

Da Canaan peopo an da odda peopo inside da land goin hear bout dis, an dey goin make one circle aroun us an wipe us out. Den us no goin be no moa! Den wat you goin do fo show peopo dat you get powa?”

1 Samuel 4:14

Eli, he hear da yelling, an tell, “How come da peopo stay yell lidat?” So da Benjamin guy go quick by Eli an tell um how come.

Jeremiah 48:19

You peopo dat live Aroer town, Stan by da road an watch. Aks da guys dat stay run away An da wahines dat stay get outa dea. Aks dem wat wen happen.