8 David aks Da One In Charge, “Az good fo me go chase afta dese guys dat wen rip us off, o wat? Can catch up wit dem, o no can?” Da One In Charge tell, “Go! Chase um! Fo shua you goin catch um, an fo shua you goin get yoa peopo back!”
So David aks Da One In Charge, “You tink goin be good, o wat, if me an my guys go attack dese Filisha guys?” Da One In Charge tell um, “Shoots! Go afta da Filisha guys, an get da Keilah peopo outa trouble.”
So David go aks Da One In Charge, “I suppose to go attack da Filisha guys, o wat? You goin let me win ova dem, o wat?” Da One In Charge tell David, “Go attack um, cuz fo shua, I goin let you win ova um!”
So David go aks Da One In Charge one mo time, an Da One In Charge tell, “No go strait ova dea fo attack. Go aroun behind dem, an attack dem in front da balsam trees.
So David go aks Da One In Charge bout da plan one mo time. Dis time Da One In Charge tell um, “Go down Keilah side, cuz I goin give you da powa fo win ova da Filisha guys.”
Da Israel guys go up an cry in front Da One In Charge till almos dark. Dey aks Da One In Charge fo tell um, “We goin go agains oua braddahs one mo time, da Benjamin guys?” Da One In Charge tell dem, “Go agains dem.”
Any time he get trouble, He can yell to me Da One In Charge fo help him. I goin lissen him, I goin be dea Fo make shua notting hurt him, An I goin make shua erybody know he importan.
Joshua goin stan in front Eleazar da pries guy. Eleazar goin use da Urim in front me, Da One In Charge, fo aks me wat I tell Joshua gotta do. Wen Joshua tell dem, him an all da Israel peopo goin go outside togedda, an wen Joshua tell dem, dey all goin come back inside togedda.”
He aks Da One In Charge fo tell wat goin happen, but Da One In Charge no tell him notting—not inside his dreams, o wit da Urim da Main Pries Guy use, o from da guys dat talk fo Da One In Charge. Notting!
Da Israel guys go up to Bethel, an aks God fo tell um, “From us guys, who goin go firs fo fight da Benjamin guys?” Da One In Charge tell um, “Da Judah guys go firs.”
an Eleazar boy Finehas, Aaron grankid, work in front da Box.) Dey aks, “We goin go up fo fight oua braddahs one mo time, da Benjamin guys, o wat?” Da One In Charge tell, “Go! Cuz tomorra I goin make you guys win ova dem.”
So Saul aks God, “You tink dass okay if I go down dea afta da Filisha guys, o wat? You goin make us Israel guys win, o wat?” But God no tell him notting dat time.
“Da guys dat stay agains us, dey tell, ‘I goin chase um! I goin catch um up! I goin give my frenz dea share A da stuff I goin take away from dem guys! I goin do eryting I like do to dem! I goin pull out my sword an kill um! Wit ony my hands I goin make um run away from hea!’
So dey aks Da One In Charge one mo time, “Dat guy come hea yet?” Da One In Charge tell, “Yeah, he stay. He wen hide ova dea wea da peopo put dea stuffs.”
