Da army officers fo da Filisha guys aks da king guys, “Wat bout all dese Hebrew guys?” Akish tell dem, “Dis David. He was one officer fo Saul, da Israel king. He stay wit me mo den one year awready. From da time he wen bag from Saul till now, he neva do notting wrong.”
Dat time, David an his guys stay attack an rip off stuff from da Geshur peopo, da Girza peopo, an da Amalek peopo. (From long time dose peopo live inside da small towns, inside da land wea you come nea Shur town, an nea da road dat go Egypt side.)
