1 Samuel 26:23 - Hawaii Pidgin Bible

²³ Da One In Charge, he make good to erybody wen dey do da right kine ting an wen dey stay tight wit him. Az why today, no matta Da One In Charge wen give me da powa fo hurt you, I neva like do dat, cuz you da guy Da One In Charge wen pick.

1 Samuel 26:23 交叉參考

Songs 62:12

Eh, my Boss, you God! An you da ony one Dat stay tight Wit yoa peopo fo real kine! You pay erybody Fo wateva dey wen do.

Nehemiah 13:14

Eh my God! No foget dis ting I wen do cuz I stay tight wit you! No wipe out da good tings I wen do fo da Temple Fo My God an fo take kea da place!

1 Kings 8:32

Den I like you lissen from da sky An judge wat da guy dat swea to you tell, An wat da odda guy tell. Fo da one dat wen do someting bad, Make da bad ting he wen do Come back an hurt him. An fo da one dat do da right ting, Show um dat he get um right wit you, Cuz wat he do, az wass right.

1 Samuel 26:11

No way dat Da One In Charge goin let me hurt da guy dat he wen pick! Now, go grab da spear an da watta canteen dat stay nea his head, an den me an you, we dig outa hea!”

1 Samuel 26:9

But David wispa back, “No way! No wipe da guy out! God goin punish anybody dat try fo hurt da guy God wen pick!

1 Samuel 24:12

I like Da One In Charge fo be da judge fo tell if you stay right, o I stay right! I like fo Da One In Charge pay you back fo da kine wrong stuff you stay do to me! But me, I no goin even touch you!

1 Samuel 24:18

Jus now, you tell me bout da good kine ting you wen do fo me. Da One In Charge wen give me to you, but you no kill me.

1 Samuel 24:19

Wen one guy find da guy dat stay agains him, he no let him get outa dea okay, eva. I like Da One In Charge do good to you fo wat wen happen today, cuz was good dat you neva kill me.

1 Samuel 26:22

David tell, “Hea, yoa spear! Let one a yoa guys come ova dis side an get um.

2 Samuel 22:21

“Da One In Charge know I stay do da right ting. Az why he real good to me. I no do notting bad. My hands stay clean. Az why Da One In Charge do good tings fo me Cuz I do good kine tings.

1 Samuel 24:11

You, you jalike my faddah fo me! Look! You see dis piece from yoa robe, hea inside my hand?! I wen cut off da corna from yoa robe, but I no kill you. Az why you gotta know fo shua dat I no mo da blame fo do someting bad. I no go agains you. I no do notting wrong agains you, but you stay hunt me fo kill me.

2 Samuel 22:25

I stay do wass right, Az why Da One In Charge do good kine tings fo me Cuz I do good kine tings. He erytime see me, Dass why he know I no go do notting bad, Jalike my hands stay clean.

Job 34:11

Cuz God pay peopo fo wat dey wen do. He make tings happen to erybody Dat go wit wat dey wen do, good o bad.