Saul go on top da trail. An David go outside da cave, an yell to him, “Hui! My boss, da king!” Saul turn aroun an look behind at David. David go down an put his face on top da groun fo show respeck fo Saul.
So David take da spear an da watta canteen dat stay nea Saul head, an dey get outa dea. Nobody wen see um, o know bout um, o wake up. Dey all stay sleep cuz Da One In Charge wen make dem pass out sleep.
He yell to da army guys an to Abner, Ner boy, “Hui! Abner! You no goin talk to me, o wat?!” Abner yell back, “Eh! Who you tink you? Who stay yell fo wake up da king?”
