1 Samuel 26:10 - Hawaii Pidgin Bible

¹⁰ “Jalike fo shua Da One In Charge stay alive, same way I stay shua Saul goin mahke—maybe Da One In Charge goin be da One goin take um out. O maybe da time goin come fo him mahke regula kine. O maybe he come wipe out wen he stay fight one war.

1 Samuel 26:10 交叉參考

Rules Secon Time 31:14

Da One In Charge tell Moses, “Now, da time stay nea wen you goin mahke. Call Joshua an go stan togedda inside da Tent Fo Come Togedda Wit Me. I goin make him da one in charge a da Israel peopo from now.” So Moses an Joshua go Da Tent Fo Come Togedda Wit Da One In Charge.

Start 47:29

Wen da time come fo Israel mahke, he sen somebody fo tell his boy Joseph, “Come!” He tell Joseph, “Try do one ting fo me: Put yoa hand unda my thigh fo show you stay tight wit me, fo me trus you fo do wat I tell you fo do. Den make one promise to me dat fo shua you goin do one ting fo me: Try no bury me ova hea Egypt side.

Rome 12:19

You my good frenz, so no go afta somebody fo pay um back wen he hurt you. Mo betta you wait, an let God take kea him, cuz God tell “Laytas” to wat dat kine peopo do. Da One In Charge wen tell dis befo time inside da Bible: “I da One dat pay back da peopo Fo do bad kine stuff.” Dass wat Da One In Charge tell.

Songs 37:13

But da Boss, he ony laugh At da bad peopo, Cuz he know dat bumbye Dey gotta stan in front him, da Judge.

1 Samuel 31:6

An az how Saul, an his three boys, an da guy dat carry Saul stuffs fo fight, an all his army guys, wen mahke togedda dat same day.

1 Samuel 25:38

Bout ten days afta dat, Da One In Charge wack Nabal, an he mahke.

1 Samuel 25:26

“Now, fo shua Da One In Charge stay alive, an you stay alive. I stay shua bout dis: Da One In Charge, he da one dat no let you kill nobody o be da one pay him back. An I like da peopo dat stay agains you, an erybody dat like hurt you, come jalike Nabal.

Rules Secon Time 32:35

Wen dat time come, I da One goin afta da peopo fo pay um back fo da bad tings dey do. Wen da right time come, jalike dea feets goin slip. Da time fo wipe dem out Stay come pretty soon. An dey goin mahke real fas.”

Jesus Show 18:8

“Dass why in one day all da big kine troubles Goin come on top Babylon, jalike da wahine. All kine sick goin come. Da Babylon peopo goin come all kine sore inside. No mo notting fo eat. Fire goin come an burn um up. Cuz God, Da One In Charge, get all kine powa, An he goin come fo judge Babylon!”

Hebrews 9:27

Garans erybody ony mahke one time, an afta dat, dey gotta go in front God da Judge.

Luke 18:7

You guys tink God no goin make tings right fo da ones he wen pick, wen dey stay beg him day time an nite time? You tink he goin take long time fo help dem?

Teacha 3:2

One time fo born An one time fo mahke. One time fo plant An one time fo pull up wat you plant.

Songs 94:23

Da One In Charge, he goin get um back Fo da way dey jam up eryting. He goin wipe dem out Fo da bad tings dey wen do. Az oua God, Dass Da One In Charge a us, Goin wipe dem out!

Songs 37:10

Ony litto bit moa, An no goin get Da peopo dat do bad kine stuff. You goin look all ova da place Wea dey stay befo, An dey no goin be dea.

Job 14:14

If one guy mahke, he goin come alive one mo time, o wat?! If can, den all da time dat I gotta suffa, Az okay fo me fo wait, fo da time I no goin suffa no moa.

Job 14:5

God, you make up yoa mind awready, How long us goin stay on top da earth. You figga how many month one guy get. You make up yoa mind how long, An us no can stay mo time den dat.

Job 7:1

“Eh God! Erybody in da world get hard work dey gotta do. Dey live jalike dey ony worka guys.

1 Samuel 24:15

I like Da One In Charge be da judge fo tell if you stay right, o I stay right! He can tell who get da blame. I like him tink bout wat I stay do. I like him tell erybody dat I not da one fo get da blame, an you, Saul, an you no mo da powa ova me.”

Hebrews 10:30

Cuz we know da One dat wen tell dis inside da Bible: “I da One dat goin pay dem back. I goin punish um fo real kine.” An anodda place God tell dis: “God goin be da Judge fo his peopo.”

1 Samuel 24:12

I like Da One In Charge fo be da judge fo tell if you stay right, o I stay right! I like fo Da One In Charge pay you back fo da kine wrong stuff you stay do to me! But me, I no goin even touch you!

1 Samuel 25:39

Wen David hear dat Nabal wen mahke, he tell his guys, “Tell Da One In Charge ‘Mahalo plenny!’ He wen do one good ting fo me. Cuz wen Nabal go talk bad bout me, Da One In Charge take kea me! Cuz Da One In Charge, az my boss. He no let me do da wrong kine ting to Nabal. Da bad kine ting Nabal wen do, Da One In Charge wen pay him back awready.” Den David sen messenja guys by Abigail fo tell her he like fo her come his wife.

1 Samuel 31:4

Saul tell da guy dat carry da tings he use fo fight, “Grab yoa sword an stab me! If dese buggahs dat donno God come hea, dey goin make any kine to me wen dey stab me!” But da guy dat carry his stuff fo fight no like kill him. Da guy real sked, az why. So Saul take his sword, an throw his body down on top um so da sword go thru his body.