1 Samuel 24:19 - Hawaii Pidgin Bible

¹⁹ Wen one guy find da guy dat stay agains him, he no let him get outa dea okay, eva. I like Da One In Charge do good to you fo wat wen happen today, cuz was good dat you neva kill me.

1 Samuel 24:19 交叉參考

Songs 18:20

I stay pono wit Da One In Charge, Dass why he make good to me. I no do notting bad, Dass why Da One In Charge pay me back good kine.

1 Samuel 26:25

Den Saul tell David, “God goin do plenny good kine stuff fo you, my boy David. Fo shua you goin do big kine tings an be da winna.” So David go way from dea an Saul go back his place.

1 Samuel 23:21

Saul tell, “I like Da One In Charge do good fo you guys cuz you kea bout me!

Local Leadas 17:2

Micah tell his muddah, “Somebody steal twenny-eight poun silva from you. You put kahuna on top whoeva wen take um, an I wen hear bout um from you. Look! I get da silva hea. I da one wen cockaroach um.” Den his muddah tell, “I like fo Da One In Charge do good tings fo you, my boy.”

Ruth 2:12

“I like Da One In Charge do plenny good tings Fo pay you back good kine, Cuz a all da tings you wen do fo Naomi. He Da One In Charge, da God fo da Israel peopo. You wen come by him, An now he goin take kea you!”

1 Samuel 23:17

Jonathan tell, “No sked! My faddah Saul get plenny powa, but he no goin find you. An you, you goin come da king fo da Israel peopo, an I goin come yoa numba one guy. Even my faddah Saul know az true.”

1 Samuel 26:23

Da One In Charge, he make good to erybody wen dey do da right kine ting an wen dey stay tight wit him. Az why today, no matta Da One In Charge wen give me da powa fo hurt you, I neva like do dat, cuz you da guy Da One In Charge wen pick.