1 Samuel 24:11 - Hawaii Pidgin Bible

¹¹ You, you jalike my faddah fo me! Look! You see dis piece from yoa robe, hea inside my hand?! I wen cut off da corna from yoa robe, but I no kill you. Az why you gotta know fo shua dat I no mo da blame fo do someting bad. I no go agains you. I no do notting wrong agains you, but you stay hunt me fo kill me.

1 Samuel 24:11 交叉參考

1 Samuel 26:20

Now, my boss da king, no make me bleed an mahke inside one land wea I no can stay nea Da One In Charge! Wat da king fo da Israel peopo do, he stay come out hea jalike fo hunt ony one flea! Jalike somebody chasing one pheasant bird all ova da mountains.”

1 Samuel 23:23

Find out bout all da place wea he go hide, an come back by me wen you know fo shua. Den I goin go wit you. If he stay ova dea, I goin track him down, no matta I gotta check out all da Judah ohanas!”

1 Samuel 23:14

David stay inside da boonies wea Saul no can attack um, on top da hills nea Zif town. Ery day, Saul go look fo him, but God neva let Saul grab David.

John 15:25

But all dis stuff stay happen, jalike dea Rules tell, ‘Dey hate me fo notting.’

2 Kings 5:13

But Naaman officer guys go by him an tell um, “Eh boss! If da guy dat talk fo God wen tell you fo do someting real big, fo shua you go do um, aah? So den, if you ony gotta do one manini kine ting, like ‘Go wash an come good,’ mo betta jus do um!”

1 Samuel 26:18

Den David tell, “Eh boss! How come you stay chase me, yoa worka guy?! I neva do notting wrong! Fo wat you like punish me?!

Micah 7:2

Cuz no mo nobody ova hea inside da land Dat stay tight wit God. No mo nobody hea do da right kine stuff! Erybody like kill somebody. Dey even like set up dea braddahs, Jalike wit one trap fo wipe um out.

Ezekiel 13:18

Go tell, ‘Dis wat Da One In Charge, da Boss, tell: Ahanas, fo da wahines dat sew magic kine charm bracelet on top all dea wris an elbows, an make magic veils fo all kine size heads fo dem trap peopo fo take away dea life. You tink wen you trap my peopo, dat you no goin trap yoa life too, o wat?

Sad Song 4:18

Guys hunt us wea eva we go. Fo us no walk inside oua open squares. Us no mo plenny time fo stay alive. Us goin mahke real fas.

Smart Guys 15:1

Wen somebody no talk nice to you, Talk back with nice kine words An da odda guy goin come quiet one mo time. You talk harsh kine, He goin come all huhu wit you.

Songs 140:11

No let da ones dat talk bad Bout odda peopo get respeck Hea inside oua land. Da bad peopo dat like bus up erybody, Make bad tings come to dem, Ova an ova!

Songs 35:7

Cuz I neva do notting to dem, But still yet dey wen hide one net Fo trap me. I neva do notting to dem, But still yet dey wen dig one big hole Fo make me fall down inside an mahke.

Job 10:16

If I ack proud, you go afta me jalike one lion. Ova an ova, you show yoa awesome powa agains me.

1 Samuel 18:27

David an his guys go out an kill two hundred Filisha guys, an cut skin da bodies. Den David bring da skins back, an show um all to da king, fo David come da king son-in-law. So Saul give his girl Michal to David fo marry.

1 Samuel 25:28

I stay real sorry if I wen bum you out. Try let me go fo dat?! Cuz fo shua, Da One In Charge goin make da peopo dat goin come from you stay strong an solid cuz you fight fo him. You no do notting wrong, all da time you stay alive.

Songs 59:3

Try look! Dey stay hide An wait fo jump me an kill me. Dey get plenny powa, An dey come togedda agains me. Eh! You Da One In Charge! I neva do notting Fo make dem guys come huhu, I neva do notting bad to dem.

Songs 119:161

Get importan peopo dat come afta me, No matta I neva do notting bad. But da ting dat make me sked An shaking inside, Dass da tings you tell!

1 Samuel 12:3

I stan hea right now, in front Da One In Charge an da guy dat Da One In Charge wen pick fo be da king. If anybody get someting fo tell, okay fo dem poin finga me right now. I wen rip off somebody cow, o wat?! O somebody donkey? I wen scam somebody? I wen put presha on somebody? I wen take silva from somebody fo shut my eyes, o wat?! If I wen make lidat to somebody, right now, I goin make um come pono fo dem!”

1 Samuel 26:23

Da One In Charge, he make good to erybody wen dey do da right kine ting an wen dey stay tight wit him. Az why today, no matta Da One In Charge wen give me da powa fo hurt you, I neva like do dat, cuz you da guy Da One In Charge wen pick.

2 Samuel 1:14

David tell him, “How come you no sked fo kill da king guy dat God wen pick, aah?”

Songs 7:5

If dass wat I wen do, Den okay fo da guys dat stay agains me Chase me an catch me. Okay fo dem poun me on top da groun an kill me An leave my mahke body on top da dirt. (Time out fo da music.)