1 Samuel 24:10 - Hawaii Pidgin Bible

¹⁰ Today you da one wen see fo real kine az not true! Cuz Da One In Charge wen give me da powa fo hurt you ova dea, inside da cave. Some guys wen tell me fo kill you, but I neva. I wen tell um, ‘No way I goin wack my boss, cuz he da one dat Da One In Charge wen pick.’

1 Samuel 24:10 交叉參考

Songs 105:15

He tell, “No even touch Da peopo I wen pick! No hurt da guys dat talk fo me!”

1 Samuel 24:4

Da guys tell David, “Fo shua, now da time dat Da One In Charge talk bout wen he wen tell you, ‘I goin give you powa ova da guy dat stay agains you fo you make to him how you like.’ ” Den David go real quiet by Saul, an cut off one corna from Saul robe, an Saul neva even know.

Outa Egypt 21:13

But if he neva go afta da guy fo kill um, but God jus let um happen, den God goin give da guys one place wea da guy can run an dey no can kill um ova dea.

1 Samuel 24:9

He yell to Saul, “Hui! King Saul! You wen lissen wen peopo tell you I stay try fo hurt you. How come?! No lissen dem!

Songs 7:3

Eh! You Da One In Charge! You my God! If fo real I wen go do dis— If I wen do dis bad kine stuff,

Songs 7:4

O if I wen go set up my fren So someting bad happen to him, O if I rip off somebody dat give me hard time, Jus cuz I like do um—

Songs 125:3

Bumbye, maybe one bad kine king Take ova da land Wea da peopo live Dat stay do wass right. But dat kine king No goin stay king long time. Cuz if he stay da king, Maybe da good guys like do Bad kine stuff Fo ovathrow da bad king.

Prieses 19:16

“No go aroun an make bulai story bout anybody wit yoa peopo. “If somebody goin mahke, no ony stan dea an no do notting fo help. Help um, cuz me Da One In Charge.

Ezekiel 22:9

Inside yoa town get guys dat go aroun an tell bulai stories bout peopo fo dose guys go all out fo kill dose peopo. An inside yoa town get guys dat eat sacrifice meat by da altars fo odda gods on top da mountains. Pilau how dey ack!