1 Samuel 21:7 - Hawaii Pidgin Bible

⁷ Had one guy name Doeg, from da Edom land. He one a Saul worka guys, da one dat stay in charge a da guys dat take kea da sheeps fo Saul. Dat day, he gotta stay Nob side fo go in front Da One In Charge dea.

1 Samuel 21:7 交叉參考

1 Samuel 22:9

Get one guy Doeg from Edom stay stan wit Saul officer guys. He tell, “Wen I stay Nob side, I wen see Jesse boy come dea, go by Ahimelek, Ahitub boy.

1 Records 27:29

Shitrai from Sharon stay in charge a da cows Sharon side. Shafat, Adlai boy, stay in charge a da cows in da valleys.

Matthew 15:8

“ ‘God tell, “Dese guys talk jalike dey get respeck fo me, But inside dey stay far from me.

Amos 8:5

You guys, dis wat you tink, aah? ‘Us guys no like wait fo da new moon time Wen da religious kine ceremonies all pau! Cuz us guys like sell food. But no can, till da religious kine ceremonies all pau! An us guys no like wait fo sell da wheat Till da Res Day pau. Us guys goin make uku pile a money, Cuz da measure us guys use, Goin be mo small den suppose to be. We goin take da money from da peopo Fo mo den wat dey suppose to pay. Den, wateva dey buy, We goin jam up da scale too.

Ezekiel 33:31

My peopo come yoa house an go inside. Dey sit down in front you an hear wat you tell. But dey no do wat you tell! Dey ony talk bout sex, an inside dem dey like rip off peopo fo get eryting fo ony dem.

2 Records 26:10

An he build strong towas inside da boonies, an dig plenny storage holes fo keep watta unda da groun, cuz he get plenny animals inside da low hills west side Jerusalem, an da flat land. He get farma guys fo work inside his fields. He get odda guys dat know how fo work da grape fields, on top da mountains an da places wea get da kine dirt az good fo grow stuff. He one guy dat fo real kine like grow stuff.

1 Samuel 14:47

Afta Saul take ova an come da king fo da Israel peopo, he fight da peopos dat live all aroun dem, an dat stay agains da Israel peopo: da Moab peopo, da Ammon ohana peopo, da Edom peopo, da Zobah kings, an da Filisha peopo. Ery place he go, he punish dose guys.

1 Samuel 11:5

Right den an dea, Saul come back from his fields wit da cows he use fo plow da groun, an he aks somebody, “Eh! Wassup?! Wassamatta wit da peopo? How come dey stay crying?” So da Gibeah peopo tell him da story, wat da guys from Jabesh wen tell.

Start 26:20

But da Gerar guys dat take kea da sheeps dat side, dey make argue wit da guys dat take kea da sheeps fo Isaac. Dey tell, “Eh! Dass oua watta!” Dass why Isaac give dat puka da name Esek, dat mean “argue,” cuz dey wen make argue wit him.

1 Samuel 21:8

David aks Ahimelek, “You get one spear o one sword fo me use? O no moa? I neva bring my sword o odda stuff fo fight, cuz da ting da king tell me fo do, I need do um quick lidat!”

1 Samuel 22:22

Den David tell Abiatar: “Dat time, wen Doeg da Edom guy stay dea, I wen know fo shua he goin tell Saul. Cuz a me, Doeg wen trap all da peopo from yoa faddah ohana an he kill um.

1 Records 27:31

Jaziz, one a da Hagri peopo, stay in charge a da sheeps an goats. All dese guys stay in charge a King David stuffs.

Prieses 22:10

“No mo nobody can eat da sacrifices dat stay spesho fo me, ony da pries guys an dea ohana can eat um. His fren dat come stay wit him his house, an da guy he pay fo work fo him, dey no can eat um.

Prieses 22:13

But if one pries daughta come one widow o get divorce, an no mo kids, an her go back live inside her faddah house, jalike wen her young, her can eat her faddah food. But no odda guy can eat um.

Prieses 24:5

“Take da bestes kine wheat flour an bake twelve thick roun bread. Use four poun flour fo ery bread.

Prieses 24:8

Ery Res Day, now an foeva, Aaron goin put dis kine bread in front me, Da One In Charge, fo da Israel peopo. Dass one part a da Deal dey get wit me, dat stay foeva.

1 Samuel 22:10

Ahimelek aks Da One In Charge fo tell him wass goin happen wit David. He give David food, an give um da sword too dat Goliat da Filisha guy use.”