1 Samuel 21:11 - Hawaii Pidgin Bible

¹¹ But King Akish helpa guys tell da king, “Eh! Dis guy David, he da king fo da Hebrew peopo an dea land, aah?! Dass da one dey sing bout wen dey dance lidis: “ ‘Saul wack down tousans a guys An David wack down ten tousans a guys!’ ”

1 Samuel 21:11 交叉參考

1 Samuel 29:5

You know, dis David, he da same guy dat da Hebrew peopo wen sing bout wen dey dance: “ ‘Saul wack down tousans a guys, An David wack down ten tousans a guys.’ ”

1 Samuel 16:1

Da One In Charge tell Samuel, “You goin stay sad inside all da time cuz a Saul, o wat?! I tell ‘Laytas’ to him fo no be da king fo da Israel peopo no moa. Fill up yoa cow horn bottle wit olive oil, an go; I goin sen you by Jesse, da Betlehem guy. I wen awready pick one a his boys fo come da nex king fo me.”

1 Samuel 19:18

Wen David get outa dea, he go by Samuel, Ramah side. David tell Samuel eryting dat Saul wen do to him. Den David an Samuel go Naiot side, an stay ova dea.

1 Samuel 27:1

David now stay figga, “Bumbye, aah? Saul goin wipe me out. So, mo betta I bag outa hea, an go by da Filisha peopo. Ova dea, Saul no goin look fo me inside da Israel land no moa, an I goin get away from his powa.”

1 Samuel 27:2

So David an da six hundred guys wit him go da odda side by Akish, Maok boy. Akish, he da king fo Gat town.

Songs 34:1

All da time, I goin tell peopo How Da One In Charge give me Da powa fo do wat he like fo me do. All da time I goin tell Good tings bout him.