1 Samuel 2:7 - Hawaii Pidgin Bible

⁷ Da One In Charge make some peopo lose dea stuffs. An he make some peopo come rich too. He make some peopo come jalike dey notting, An he make some peopo come real big time.

1 Samuel 2:7 交叉參考

Songs 75:7

Ony God, he da One Dat judge fo real kine. He can make one guy come notting, An he can make anodda guy Come importan.

Job 5:11

He make da peopo dat not importan come importan. He rescue da peopo dat stay sad inside.

Job 1:21

He tell, “Wen I come outa my muddah belly, I stay naked, no mo notting! Wen I leave dis world, I no goin get notting! Da One In Charge give, An Da One In Charge take away. I goin talk good bout Da One In Charge Cuz I know wat kine god him!”

James 4:10

No make jalike you mo betta den da odda guys da way Da One In Charge see you. Den, he goin make you come somebody fo real kine.

Isaiah 2:12

Da One In Charge, he da God Ova All Da Armies. Goin come one day, he goin go Agains erybody dat get big head, An agains all da peopo dat ack high makamaka. God goin bring down da kine peopo dat tink dey importan. He goin make all dat kine peopo come notting.

2 Kings 9:6

Jehu get up an go inside da house. Den da guy dat talk fo God pour da olive oil on top Jehu head, an tell, “Dis wat Da One In Charge, da God fo da Israel peopo, tell: ‘I stay pick you fo come da king ova da peopo dat get me, Da One In Charge, fo dea God, dass da Israel peopo.

Job 40:12

Look at all da big head guys an make dem come notting! Throw down da bad guys wea eva dey stay.

1 Records 29:12

You can give peopo rich kine stuffs, An make odda peopo respeck um. You da One stay in charge a eryting. You get da powa fo make peopo strong an give dem powa. You get da powa Fo make anybody importan an strong.

2 Records 32:27

Hezekiah get plenny rich kine stuffs an plenny respeck. He make places fo store his silva an gold, an jewels, spices, shields, an all kine rich stuff.

2 Records 32:29

He build towns an get plenny sheeps, goats, an cows, cuz God make him come real rich.

Songs 75:8

Wen Da One In Charge come huhu, Jalike he holding one big wine cup Full a strong kine wine mix wit spice An bubble coming up. He goin make all da peopo Inside dis world Dat do bad kine stuff Drink da whole ting, Down to da junks in da bottom, Fo punish dem!

Smart Guys 22:2

Da rich peopo an da peopo dat no mo notting, Dey same same. Da One In Charge Him da One make all dem.

Jeremiah 49:15

“Now I goin make you Edom guys lose face, Da way all da odda peopos goin see you. You guys no goin get respeck!

Ezekiel 17:24

Jalike all da cedar trees in da fores goin know dis: Me, Da One In Charge, da One goin bring down da tall trees an make da short trees come tall. I goin make da green trees come dry an make da dry trees grow good. “ ‘Me, Da One In Charge wen tell all dis, an I da One goin do um.’ ”