1 Samuel 2:4 - Hawaii Pidgin Bible

⁴ “Da muscle men army guys get bow an arrow, But dey stay broke awready! Oua guys, stay all bum out An no can even stan up good, But now dey goin come real strong!

1 Samuel 2:4 交叉參考

Songs 76:3

He broke da fire arrows Dat come from da bow. He broke shields an swords An all da odda kine army stuff. (Time out fo da music.)

Songs 37:15

But dose bad guys, God goin make Dea sword go thru dea heart! God goin broke dea bows an arrows!

Philippi 4:13

I strong enuff fo handle any kine cuz I stay tight wit Christ, an he give me da powa fo do um.

Songs 46:9

An all ova da world, He make peopo pau fight So dat no mo war. He broke dea bows fo shoot arrow, An broke dea spears too, An burn up dea shields wit fire.

Hebrews 11:34

Dey put out big fires. Dey get away from da guys dat like kill um wit swords. Dey not strong, but dey come strong. Dey get plenny powa fo fight da army guys from odda countries. Dey make whole armies run away.

2 Corint 12:9

But he tell me, “I do plenny good tings fo you, an dass all you need. My powa mo strong inside you wen you no can handle trouble wit da powa you get.” Az why I goin talk big even moa, cuz get plenny stuff I no can handle. Dass how Christ powa goin stay wit me.

Songs 37:17

Cuz Da One In Charge, He goin broke da bad guys arms, But he goin help da guys Dat do wass right.

Jeremiah 37:10

Wen dey do dat, no goin matta you guys bus up all da Babylon army guys dat stay attack you guys! No goin matta da ony Babylon guys dat still stay alive stay hurt inside dea tents! Fo shua, even jus da ones dat stay hurt, still yet dey goin come aroun dis town an burn um up. You guys no can win, you know!”

Isaiah 10:4

Ony one ting you can do—give up! Cuz wat goin happen to you, mo worse den da prisona guys! O you can fall down on top da groun wit da odda mahke bodies, Cuz wat goin happen to you, mo worse den wat happen to da guys dey kill! An Da One In Charge stay huhu wit da Israel peopo still yet, An he stay ready fo bus um up.

Efesus 6:14

Stan strong! Wen you trus wass true, dass jalike one army belt fo yoa wais. An wen you do da right kine stuff, dass jalike one metal ves fo cova yoa ches.

Hebrews 11:32

So, I gotta show mo proof, o wat? No mo time fo tell eryting bout da guys Gideon, Barak, Samson, Jeftah, David, Samuel, an da odda guys dat talk fo God befo time.

Songs 18:39

You wen make me strong fo fight. You make da peopo dat come agains me Go down undaneat my feets.

Songs 46:10

He tell: “No fight! No foget dis: Me God! All da diffren nations goin know Dat I da main one. All ova da world Dey goin know dis!”

Isaiah 40:29

He da One make da tired peopo come strong. He give da weak peopo mo an mo powa.

Jeremiah 51:56

Wen da army guys go attack Babylon town fo wipe um out, Dey goin make da Babylon army guys dea prisonas, An broke dea bows an arrows. Cuz fo shua, dass da kine God me, Da One In Charge. I goin pay dem back fo eryting dey wen do.