1 Samuel 19:17 - Hawaii Pidgin Bible

¹⁷ Laytas, Saul tell Michal, “How come you bulai me lidis, an let dis guy dat stay agains me run way from me, outa hea?!” Michal tell um, “He wen tell me, ‘Get me outa hea! You like me fo kill you, o wat?!’ ”

1 Samuel 19:17 交叉參考

2 Samuel 2:22

One mo time Abner tell Asahel, “You betta not run no mo fo grab me! I no like wack you an kill you, cuz den I no can look yoa braddah Joab face!”

Galatia 4:16

You guys tink I hate you cuz I tell you guys da trut, o wat?

Matthew 2:16

King Herod, he find out dat da guys dat know plenny bout da stars trick him, an he come real wild. He sen his army guys an tell um, “Go inside Betlehem an all da odda place ova dea, an kill all da small boys.” Dey kill all da boys two year ol an mo younga. Herod figga dat time, cuz da guys dat know plenny bout da stars wen tell him wat time da star show up firs time.

1 Kings 21:20

Elijah go dea, an Ahab tell, “You da guy dat stay agains me, an now, you find me!” Elijah tell, “Fo shua I find you, cuz you wen go sell out fo do real bad kine stuff dat Da One In Charge tell, no go do!

2 Samuel 17:20

Wen Absalom guys come by da wahine inside da house, dey aks, “Ahimaaz an Jonathan, wea dey stay?” Da wahine tell um, “Dey go da odda side a da stream.” So da guys look fo dem ova dea, but dey no find nobody. So dey go back Jerusalem.

1 Samuel 28:12

Right den an dea, da wahine see Samuel! She yell real loud to Saul, “How come you wen bulai me?! I know you! You Saul!”

1 Samuel 22:17

Den Saul tell da guys dat guard him: “Go all aroun da pries guys dat work fo Da One In Charge, an kill um! Cuz dey on da same side wit David. Dey know he stay run away from me, but dey neva tell me.” But da army guys no like do notting fo attack da pries guys dat work fo Da One In Charge.

1 Samuel 19:14

Den, wen Saul tell his guys fo go bus David, Michal tell, “Sick. He stay sick.”

1 Samuel 19:16

But wen da guys go inside, ony get da idol kine god inside da bed, an get one goat hair net wea da head stay.