1 Samuel 19:10 - Hawaii Pidgin Bible

¹⁰ Saul throw his spear fo pin David to da wall jalike da las time. David move fas an dodge um, an Saul throw da spear inside da wall. Dat same nite, David get outa dea an bag fo good.

1 Samuel 19:10 交叉參考

1 Samuel 20:33

Den Saul throw his spear at Jonathan fo try kill him, but Jonathan get outa da way. Dass wen Jonathan know fo shua dat his faddah make up his mind awready fo kill David.

1 Samuel 18:11

He throw um at David. He tink, “I goin make da spear go thru David body an into da wall!” But David, two time he jump outa da way.

Smart Guys 21:30

No matta you know wat fo do erytime, No matta you undastan eryting, No matta you make one plan, Wen you go agains Da One In Charge, Notting goin happen!

John 10:39

So one mo time dem guys try fo grab him, but he dig out.

Luke 4:30

But he walk right thru all da peopo an go way from dea.

Matthew 10:23

“Wen da guys inside one town make you guys suffa, go way from dea, den go anodda town. Dass right! An I tell you guys dis too: I da Fo Real Kine Guy, an I goin come back befo you guys even can go all da towns Israel side.

Hosea 6:4

But Da One In Charge tell, “Wat I goin do wit you Efraim peopo? Wat I goin do wit you Judah peopo? Wen you guys tink you stay tight wit me, Az jalike da mist dat disappea morning time. Jalike da dew dat come early an den go way.

Isaiah 54:17

But no matta wat kine tings peopo make Fo fight you guys wit um, Dey no goin win. No matta wat peopo tell in front da judge Wen dey poin finga you guys, You guys goin show proof dey wrong. All dis I goin do fo you guys Cuz me Da One In Charge an you guys work fo me. Dass how I goin show Dat my peopo get um right wit me.” Dass wat Da One In Charge tell.

Songs 124:7

Us guys stay alive still yet, Jalike one bird dat get outa one trap! Jalike da bird catcha guys Put up da trap, But now, da trap broke An we outa dea!

Songs 34:19

Get plenny bad tings happen To da peopo dat stay do da right ting. But Da One In Charge Goin get um outa all dat.

Songs 18:17

Da guys dat stay agains me, dey strong, Da guys dat hate me, dey too strong fo me! But Da One In Charge get me outa dea.

1 Samuel 19:6

Saul lissen Jonathan, an make dis spesho promise: “Fo shua Da One In Charge stay alive, an fo shua too I goin do wat I make one promise fo do. No mo nobody goin kill David!”

Hebrews 11:34

Dey put out big fires. Dey get away from da guys dat like kill um wit swords. Dey not strong, but dey come strong. Dey get plenny powa fo fight da army guys from odda countries. Dey make whole armies run away.

Smart Guys 1:16

Cuz ery place dey go, dey ony go dea fo do bad kine stuff. An dey go fas, cuz dey like make peopo bleed an mahke.

1 Samuel 18:10

Da nex day, had one spirit from God dat was bad dat wen take ova Saul. Saul stay inside his house talking pupule kine. David play his harp, jalike erytime he stay do. Saul get one spear inside his hand.

Songs 37:32

Da guys dat do bad kine stuff Stay look fo how fo grab Da peopo dat do da right tings Fo kill um,