1 Samuel 16:16 - Hawaii Pidgin Bible

¹⁶ You oua boss, but us guys tink, maybe az good you sen us go look fo somebody dat know how fo play da harp real good. Den, weneva da bad kine spirit from Da One In Charge take ova you, he can play music, an you goin feel mo betta.”

1 Samuel 16:16 交叉參考

2 Kings 3:15

But you know wat? Bring me one music guy ova hea fo make me come ready fo go lissen Da One In Charge.” Wen da guy stay play da music, da powa from Da One In Charge take ova Elisha,

1 Kings 10:8

Fo shua, yoa guys stay good inside! Yoa helpa guys dat stan in front you all da time an hear wat you know how fo do erytime—dey all can stay good inside!

1 Samuel 19:9

But had one spirit from Da One In Charge dat make Saul come hamajang, He take ova Saul one mo time wen he stay sit inside his house. He get his spear inside his hand. Wen David stay play music,

1 Samuel 18:10

Da nex day, had one spirit from God dat was bad dat wen take ova Saul. Saul stay inside his house talking pupule kine. David play his harp, jalike erytime he stay do. Saul get one spear inside his hand.

1 Samuel 10:5

“Afta dat you goin go by Gibeah, God place. Get some Filisha army guys camp dea too. Wen you go nea da town, you goin meet some guys dat talk fo God dat stay come down from da sacrifice place on top da hill. Dey stay wit some odda guys dat stay play small harps, tammorines, flutes, an bass harps in front dem. An da talka guys goin stay talk fo God.

Start 41:46

Joseph was thirty year ol wen he start fo work fo da Pharaoh guy. Firs ting, he go outside da palace wea da Pharaoh guy stay, an he go all ova da Egypt land.

1 Samuel 16:14

Dat same time, da Spirit from Da One In Charge wen bag from Saul, an Da One In Charge sen one bad kine spirit dat make Saul sked an make him suffa.

1 Samuel 16:15

Da guys dat work fo Saul tell um, “Eh, you know wat?! Az one spirit from God dat stay make you come hamajang. Az why you come sked an you suffa.

1 Samuel 16:17

Az why Saul tell his worka guys, “Kay den. Go find somebody dat can play da harp real good fo me. An bring um hea by me.”