1 Samuel 14:6 - Hawaii Pidgin Bible

⁶ Jonathan tell da young guy dat carry his stuff fo fight, “Go come, we go ova da pass by wea dose guys stay dat neva cut skin jalike God peopo. Maybe Da One In Charge go do someting fo help me an you. Da One In Charge goin win, no matta he get plenny guys o litto bit guys.”

1 Samuel 14:6 交叉參考

Matthew 19:26

Jesus look strait at dem, an tell, “No mo nobody dat can do um, but ony God, he da One dat can do um.”

Rome 8:31

So den, wat you tink bout all dis? God stay fo us guys to da max. Cuz God stay lidat, who goin go agains us? No mo nobody!

Zekariah 4:6

Az why he tell me, “Dis wat Da One In Charge, Da God Ova All Da Armies, tell Zerubbabel da pries guy: Wat you goin do, you no can do um jus cuz you strong, o get plenny powa! Da ony way you can do um, is cuz my Spirit give you da powa!

Rules Secon Time 32:30

Dey no tink how come one army guy Make one tousan Israel army guys run away! O how come two a dea army guys Make ten tousan Israel army guys run away! Ony one way dat can happen! Gotta be, Da One In Charge bag from dem! Da One dat befo time stay strong Jalike one Rock fo dem, But now, he give up on dem!

2 Records 14:11

Den Asa call out to his God, Da One In Charge, fo help. He tell, “Da One In Charge, you help peopo, no matta dey get plenny guys o dey not strong! Da One In Charge, you oua God. So help us guys, cuz we need you fo make us strong. We da peopo dat get yoa name, an dass why we goin go agains dis big army. Da One In Charge, you oua God. No let peopo win ova you!”

Jeremiah 9:26

Da Egypt guys, da Judah guys, da Edom guys, Da Ammon guys, da Moab guys, An all da ones dat live inside da boonies Dat cut dea hair spesho fo dea gods. All dose peopos, an all da Israel guys, dey cut skin, But dey no mo da mark inside dem Dat show dey my peopo.”

2 Samuel 16:12

Maybe Da One In Charge goin see dat I stay suffa plenny awready, an dat goin do good fo me, fo pay me back wit someting good afta dis guy put kahuna on top me today.”

Zefaniah 2:3

All you peopo inside da land dat no mo big head, Dat do wateva Da One In Charge tell you fo do, Try know Da One In Charge mo betta! Try do da right kine stuff. Try no ack big head. Maybe he goin let you guys stay hide, Da time wen he goin show he stay real huhu.

Amos 5:15

Go all out fo hate da bad kine stuff An get love an aloha fo da good kine stuff. Make shua you pick da judges dat goin tell wass right. Den, maybe Da One In Charge, da God Ova All Da Armies, Bumbye give chance to da litto bit peopo Dat stay alive still yet From yoa Israel ohana.”

Jeremiah 9:23

Dis wat Da One In Charge tell: “Da guy dat know wat fo do erytime No good fo him talk big dat he know wat fo do. Da guy dat know how fo fight No good fo him talk big dat he know how fo fight. Da rich guy, no good if him talk big bout how rich him.

2 Kings 19:4

Maybe yoa God, Da One In Charge, hear eryting da territorial govna guy from Assyria wen tell. His boss, da Assyria king, wen sen him ova hea fo make fun a Da God Dat Stay Alive, an he stay talk bad bout him. Maybe Da One In Charge goin punish him cuz a wat he wen tell. Az why I aks you, Isaiah, fo pray fo all us guys dat still stay alive.”

2 Samuel 1:20

“But no tell da Filisha peopo Gat side bout dis! No say notting to da peopo on da Ashkelon streets! No good da Filisha wahines feel good inside cuz dey win. No good da girls from dat ohana dat donno God Dance an sing cuz dey feel good inside.

1 Samuel 17:36

Eh, Boss! I wen kill da lion an da bear too. Dis Filisha guy dat no mo da cut skin mark fo show he God guy, he goin be jalike da lion an da bear, cuz he talk big agains oua army dat fight fo da God dat stay alive fo real kine.

1 Samuel 17:26

David aks some odda guys dat stan nea him da same ting, “Eh! Wat dey goin do fo da guy dat kill dis Filisha guy an hemo da shame fo da Israel peopo? Us guys, da army fo da God dat stay alive fo real kine! Who dis Filisha guy tink him?! He no mo God cut skin mark! He ony ack big fo try make us Israel guys come shame, aah?!”

Local Leadas 15:18

Samson stay real thirsty. So he yell to Da One In Charge, an tell, “You wen help me, yoa worka guy, fo win ova dem fo real! But now, look jalike I gotta mahke cuz I too thirsty! Den az true dat dese guys goin catch me, o wat?! Cuz dey no mo yoa mark fo show dey yoa guys!”

Philippi 3:3

Dey tell, “Fo be God guy fo real kine, gotta cut skin.” But you know, us guys, us da guys dat get God Spirit. Dass da mark fo show dat us God guys, not dem. Cuz wen us do stuff fo God, dass da Spirit dat help us fo do um. Us guys can feel real proud cuz we stay tight wit God Spesho Guy, Jesus Christ. We no tink we okay jus cuz somebody wen do someting to oua body.

1 Samuel 14:5

You look in front you, from da north side cliff, get Mikmash down dea, an you look in front you, from da south side cliff, get Geba down dea.

1 Samuel 14:7

His helpa guy tell um, “Do eryting you tink fo do. I stay tight wit you an ready fo go all out.”

1 Samuel 17:46

Today, Da One In Charge goin turn you ova to me. I goin bus you up, an cut off yoa head. I goin give da mahke bodies from all you Filisha army guys to da birds an da wild animals fo eat. Den da peopo all ova da world goin know dat us Israel guys get one God dass fo real kine!

1 Samuel 17:47

All dese guys dat stay hea goin know dat Da One In Charge no need sword o spear fo get his peopo outa trouble. Cuz Da One In Charge da one goin win dis fight. He goin give us guys da powa fo win ova you guys!”

1 Samuel 31:4

Saul tell da guy dat carry da tings he use fo fight, “Grab yoa sword an stab me! If dese buggahs dat donno God come hea, dey goin make any kine to me wen dey stab me!” But da guy dat carry his stuff fo fight no like kill him. Da guy real sked, az why. So Saul take his sword, an throw his body down on top um so da sword go thru his body.

Songs 135:6

Eryting Da One In Charge like do, he do In da sky, an on top da earth, An inside da ocean, All da way to da bottom.

Jeremiah 9:25

Anodda message from Da One In Charge: “Da time goin come Wen I goin punish all da guys Dat get da cut skin mark ony on top dea body But dey no mo notting inside fo show dey my peopo:

Census 10:32

If you come wit us, we goin share wit you all da good kine stuff Da One In Charge goin give us.”

Census 31:4

Sen one tousan guys from ery main ohana inside da Israel peopo fo fight dem.”

Joshua 14:12

So now, give me dis hill country dat Da One In Charge wen make one promise fo give me dat time. You wen hear dat time dat da Anak peopo stay ova dea, an dey get big towns dat get strong wall. But maybe Da One In Charge goin help me, an I goin push out da peopo, jalike Da One In Charge wen tell.”

2 Records 14:10

Asa army guys go out fo fight um. Da two armies line up fo fight inside da Zefatah Valley nea Mareshah.