1 Samuel 13:19 - Hawaii Pidgin Bible

¹⁹ Dat time, all ova da Israel land neva have blacksmith fo shape iron. Cuz da Filisha guys figga, “No good da Hebrew guys go make sword o spear!”

1 Samuel 13:19 交叉參考

2 Kings 24:14

He make all da Jerusalem peopo come his prisona guys, an take um Babylon side, ten tousan peopo. He take all da alii guys, an all da army guys dat know how fo fight good. He no let da guys stay dat know how fo make stuff an work wit metal. He ony let da peopo from da land dat no mo notting stay ova dea.

Jeremiah 24:1

One time, Da One In Charge show me two basket figs dat somebody put in front da Temple Fo Da One In Charge. (Az was afta King Nebukadnezzar from Babylon wen make Koniah his prisona an bring um from Jerusalem to Babylon. Koniah, da Judah king an Jehoiakim boy. Nebukadnezzar make da leada guys fo da Judah peopo prisonas an take dem away too. An he do da same ting wit da guys dat smart fo make fancy kine stuff an wit da military engineer guys.)

Local Leadas 5:8

Befo time, wen da peopo pick new gods, Den get war in front da gates fo da big town, But no mo shield o spear Fo 40,000 Israel guys.

Isaiah 54:16

“Tink bout dis! I da One wen make da guy Dat work wit da iron, An fan da coals fo make fire, An make tings peopo use fo fight. An I da One make da army guys Dat wipe out da peopo.

1 Samuel 13:20

So all dat time, all da Israel peopo gotta go down Filisha side fo da Filisha guys make sharp dea hoe, da metal part fo dea plow, dea pick, an dea ax.

Jeremiah 29:2

(He write um afta da importan peopo come prisonas an go way from Jerusalem—az King Koniah, his muddah dat was queen befo time, da govmen guys from da palace, da leada guys fo Judah an Jerusalem, da guys dat know how fo make stuff, an da military guys dat know how fo put up wall.)