1 Samuel 12:23 - Hawaii Pidgin Bible

²³ An me, if I wen no pray fo you guys, fo shua az one bad kine ting I wen do agains Da One In Charge. Az why fo shua I goin stay pray fo you guys! An I goin teach you guys da way dat stay good an right.

1 Samuel 12:23 交叉參考

Colosse 1:9

Dass why we still yet stay pray fo you guys, from da firs time Epafras wen tell us how you guys stay. We tell God fo give you guys all da tings you guys need fo find out wat he like you guys do. Den you guys goin know wat fo do ery time, an God Spirit goin help you guys undastan da whole ting.

Rome 1:9

God know dat I stay tell da trut. He know I go all out fo work fo him wit my spirit. I make lidis fo tell da peopo all da Good Kine Stuff Bout His Boy. An God know dat I no goin give up fo tink bout you guys.

2 Timoty 1:3

Wen I pray, I tell God “Mahalo plenny!” erytime I tink bout you, day time an nite time. I stay work fo God, same ting jalike my ancesta guys wen do. An fo shua I know I stay do good tings.

1 Tessalonika 3:10

Day time an nite time we stay pray real hard fo us see you guys one mo time, an we like give you guys da kine stuff you need still yet fo trus him to da max.

1 Kings 8:36

Den I like you lissen from da sky, An let go yoa Israel peopo Fo da bad tings dey wen do, An hemo dea shame! Teach dem da right way fo live, An let da rain come down on top da land, Dat you wen give yoa peopo fo come dea land.

Jesus Guys 12:5

So Peter stay inside da jail, an all da church peopo pray real hard fo him.

Songs 34:11

Eh, my kids! Go come ova hea An lissen me! I goin teach you guys wat mean, Fo get respeck fo Da One In Charge.

Jeremiah 6:16

Dis wat Da One In Charge tell his peopo: “Stop wen you get to da place wea two roads come togedda an look. Aks bout da ol trails, How peopo wen live befo time. Aks bout how fo find da good way. Den go live dat way! Dass how you guys goin learn how fo live fo no mo notting bodda you. But you guys tell, ‘Us no like live dat way!’

2 Records 6:27

If dass how dey ack, den I like you lissen from da sky. Let dem go fo da bad tings yoa Israel peopo dat work fo you wen do, an hemo dea shame. Teach dem da bestes way fo live. Sen da rain on top yoa land dat you wen give to yoa peopo fo come dea property.

Colosse 1:28

We stay tell erybody bout Jesus. We tell dem how dey gotta live. An we use eryting us know fo teach dem, fo dem come mo strong inside cuz dey go all out fo stay tight wit Christ.

Jesus Guys 20:20

You guys know I no stay sked fo teach you guys all da stuff dat goin kokua you. I teach you guys in front all da peopo an inside yoa houses.

Teacha 12:10

Da Teacha tink bout how fo find da bestes way fo tell um. Wat he write tell da right kine stuff, an da tings dat stay true.

Smart Guys 4:11

I stay teach you da right way Fo go an know wat fo do. I put you on top da right track Fo help you go strait.

1 Corint 9:16

Jus cuz I stay tell peopo da Good Kine Stuff From God, dat no mean I can talk big bout me. I gotta tell um bout God. Real sad if I no tell peopo da Good Kine Stuff From God!

Outa Egypt 32:30

Da nex day, Moses tell da peopo, “Da stuff you guys wen do, was plenny bad. Still yet, I goin go back up da mountain by Da One In Charge. Maybe I can do someting fo him let you guys go fo da bad ting you wen do, an hemo yoa shame, fo make you guys come pono wit him one mo time.”

1 Samuel 12:19

All da peopo tell Samuel, “Pray to yoa God, Da One In Charge, fo us guys, cuz you da boss fo us guys. Pray fo us no mahke. Cuz now, we wen do even mo bad kine stuff den befo time cuz we wen aks fo one king.”

Jeremiah 15:1

Den Da One In Charge tell me: “No matta if Moses an Samuel stay stan in front me praying, no way I goin feel pity fo dis peopo! Take dis peopo away from me!

Jeremiah 27:18

Maybe get guys dat talk fo Da One In Charge fo real, an dey get one message from Da One In Charge. Den, good dey pray to Da One In Charge, da God Ova All Da Armies, dat da stuff dat still stay inside da Temple Fo Da One In Charge, an inside da palace a da Judah king, an inside Jerusalem, no go Babylon.

Jeremiah 42:4

Jeremiah tell dem, “I hear wat you guys like me fo do. Fo shua I goin pray fo you guys to God, Da One In Charge, jalike you tell me fo do. I goin tell you guys eryting he tell me. I no goin hold back notting from you guys.”

1 Samuel 8:6

But wen dey tell, “Give one king fo lead us guys,” Samuel tink, “Eh! Az not good fo do!” An so, he pray to Da One In Charge.

Songs 34:12

If you like live fo real kine, An like fo good tings happen to you Fo long time,

Songs 122:6

Tell God fo make eryting go good Fo da Jerusalem peopo. Tell dem, “I like fo da one Dat get love an aloha fo you guys Live so no mo worries.

Isaiah 30:21

Den, even if you go da wrong way, Jalike you leave da road An go da right side o da lef side, You goin hear somebody behind you tell, “Eh! Da right way stay ova hea! Go dat way!”