1 Samuel 1:8 - Hawaii Pidgin Bible

⁸ So one time Elkanah aks Hannah, “Wassamatta?! I see you stay cry plenny, an you no eat, an you all da time sad! Az cuz you no mo one bebe, o wat? But you get me fo take kea you, you know, an dass even mo betta den get ten boys, aah?”

1 Samuel 1:8 交叉參考

2 Kings 8:12

Hazael aks, “Boss, how come you stay cry?” Elisha tell, “Cuz I know fo shua, bumbye you goin do bad tings fo hurt da Israel peopo. You goin burn down dea big towns dat get strong wall, kill dea young guys wit swords, smash dea small kids on top da groun, an rip open da stomach a dea hapai wahines.”

Job 6:14

“Wen somebody stay bum out, his frenz suppose to stay tight wit him, No matta da guy no sked fo bag from Da God Dat Get All Da Powa.

Songs 43:4

Den I goin go by da altar Fo make one sacrifice fo you, God. You God! Wen I tink bout you, I stay real good inside! Dass why I goin sing good tings Bout you wit my harp. Eh God! You da God fo me!

Isaiah 54:1

“Eh, my peopo! Sing an yell cuz you stay good inside! Cuz befo time, you guys Was jalike one wahine dat no mo her kids yet, Dat neva feel da sore from born one bebe. But now, eryting goin come good fo you guys, Jalike if dat wahine dat neva born one bebe, Now her get mo plenny kids Den da wahine dat get husban.” Dass wat Da One In Charge tell.

Isaiah 54:6

Befo time, you guys come real sad, Jalike you one wife yoa husban wen dump, An you stay sad inside. Jalike you was young An one guy wen marry you, Den he dump you. But now, jalike yoa husban call you fo come back.” Dass wat Da One In Charge tell.

John 20:13

Dey tell, “Lady, how come you stay crying?” She tell dem, “Cuz dey take away Da One In Charge a me, an I donno wea dey put um.”

John 20:15

Jesus tell her, “Lady, how come you stay crying? Who you looking fo?” She tink he da guy dat take kea da trees an she tell, “Mista, if you wen take him away, tell me wea you put him, an I goin take da body fo bury.”

1 Tessalonika 5:14

My braddahs an sistahs, we beg you guys fo do dis: Da guys dat no like work, tell um dey betta work. Da guys dat tink dey nobody, give um good kine words. Kokua da guys dat not strong inside. Hang in dea wit erybody, an no get huhu.

Ruth 4:15

“Eh Naomi! Dis bebe, He goin make you feel Jalike you young one mo time! He goin take kea you wen you ol! Cuz he come from yoa daughtah-in-law, Dat get plenny love an aloha fo you. She make um mo betta fo you den seven boys!”

1 Samuel 1:7

Plenny year, weneva dey all go Da One In Charge house, same ting: Peninnah make plenny trouble fo Hannah, so dat Hannah cry plenny, an she no like eat notting.