1 Samuel 1:26 - Hawaii Pidgin Bible

²⁶ Hannah tell him, “My Boss! Fo shua, you neva foget me, aah?! I da one you wen see ova hea befo time, stay praying to Da One In Charge.

1 Samuel 1:26 交叉參考

2 Kings 4:30

But da boy muddah tell, “Fo shua Da One In Charge stay alive, an you stay alive. Same ting, I stay shua I no goin go away from you.” So Elisha stan up an go wit her.

2 Kings 2:6

Den Elijah tell Elisha, “You, stay ova hea. Cuz Da One In Charge tell me now fo go da Jordan Riva.” An Elisha tell, “Jalike fo shua Da One In Charge stay alive an you stay alive, I shua dat I no goin leave you.” So da two guys hele on.

2 Kings 2:4

Den Elijah tell Elisha, “Elisha, you stay ova hea. Cuz Da One In Charge tell me now fo go Jericho side.” Elisha tell, “Jalike fo shua Da One In Charge stay alive an you stay alive, I shua dat I no goin leave you.” So dey go Jericho side.

2 Kings 2:2

Elijah tell Elisha, “You stay ova hea. Cuz Da One In Charge wen tell me fo go Bethel side.” But Elisha tell, “Jalike fo shua Da One In Charge stay alive an you stay alive, I shua dat I no goin leave you.” So dey go down Bethel side.

2 Samuel 11:11

Uriah tell David, “Da Box Fo No Foget Da Deal, an da Israel an Judah army guys, dey all stay Sukkot Valley. An my boss Joab, an yoa main army guys, dey all make camp on top da fields wea dey goin fight. Az why fo me, how I can go home fo eat an drink an sleep wit my wife?! Jalike I stay shua you alive, same ting I stay shua I no goin make lidat!”

1 Samuel 20:3

But David tell, “Yoa faddah know fo real kine dat you like me. So, he goin figga, ‘Az not good, wen Jonathan find out wat I goin do, cuz dat goin fo real kine bum Jonathan out.’ “But still yet, jalike fo shua Da One In Charge stay alive, an you stay alive, I stay shua bout dis too: I ony get litto mo time befo I goin mahke die dead!”

1 Samuel 17:55

Befo dat, wen David stay go out fo fight da Filisha guy, Saul watch David, an aks General Abner, “Eh, Abner! Who dat boy faddah?” Abner tell, “Eh, garans, I donno!”

2 Samuel 14:19

Da king aks her, “All dis dat you tell me, I figga was Joab wen tell you fo tell all dis, aah?” Da wahine tell, “My boss da king, jalike I shua you stay alive, I stay shua no mo nobody can hide notting from you dass diffren den wat you jus wen tell me. Yeah, was yoa army general guy, Joab, dat tell me fo do dis, an tell me all da tings I gotta tell.

Start 42:15

Dis how I goin check you guys out fo find out if you stay tell da trut o not. Ony one way you guys goin get outa hea, an da Pharaoh guy goin back me up wen I tell dis: You guys younga braddah gotta come hea, den you can go.

1 Samuel 25:26

“Now, fo shua Da One In Charge stay alive, an you stay alive. I stay shua bout dis: Da One In Charge, he da one dat no let you kill nobody o be da one pay him back. An I like da peopo dat stay agains you, an erybody dat like hurt you, come jalike Nabal.

1 Records 4:10

One time, Jabez go pray to da God fo da Israel peopo. Dis wat he tell: “Eh God, I like you make um fo me do fo real kine Wat you wen make me fo do! I like you make plenny room fo me, An use yoa powa fo help me, An take kea me so notting bad happen, So den I no need hurt!” An God, he make tings happen jalike Jabez wen tell him fo do.