1 Peter 4:19 - Hawaii Pidgin Bible

¹⁹ Wen God peopo suffa, an dey handle um da way he like um fo handle, dey can trus God fo take kea dem. He wen make dem, an he do wat he tell he goin do erytime. An dey still yet goin do good kine stuff, jalike befo time.

1 Peter 4:19 交叉參考

Songs 37:5

Let Da One In Charge handle Eryting you goin do. Trus him, an he goin do um.

2 Timoty 1:12

Az why I gotta suffa, you know. But no matta to me cuz I no shame fo suffa! I know Jesus, dass why. He da One I trus. I know dis fo shua: he wen give me one big job fo do, an he stay trus me fo do um da right way. An I can do um! Cuz Jesus get da powa fo take kea eryting till he come back.

1 Peter 3:17

Mo betta you guys suffa fo do da right ting den fo do da bad ting, if dass how God like you suffa.

Songs 138:8

Eh! You Da One In Charge! You da One Goin make happen fo me, Eryting you wen promise fo do. You, Da One In Charge, An you stay tight Wit yoa peopo foeva! So den, no go bag From da peopo you wen make!

1 Peter 2:15

Dass why God like you guys fo do da good kine stuff fo da guys dat donno notting an no tink right, so no mo nobody can poin finga you.

Rome 2:7

God goin give some peopo da real kine life dat goin stay to da max foeva, cuz erytime dey hang in dea an do da right ting. Dey like get plenny respeck from God, an get da real kine life.

Songs 31:5

Dass why I turn ova my life to you, Cuz I stay trus you. Eh! Da One In Charge, I like you get me outa all dis, Cuz you da kine god I trus.

Daniel 6:22

My God wen sen his angel messenja guy fo make da lions no bite me. Dey no touch me notting, cuz God see me dat I neva do notting wrong. An I neva do notting wrong to you too, King Darius.”

Jesus Guys 7:59

Dey all throw stone at Stephen, an he tell Da One In Charge, “Jesus, you Da One In Charge. Take my spirit!”

Luke 23:46

Jesus yell real loud. He tell, “Faddah! I give you my spirit!” Wen he tell dat, he mahke.

Isaiah 43:21

I wen make dose peopo fo me Fo dem talk story Bout da good tings I stay do.

Isaiah 43:7

Bring erybody dat get my name cuz dey my peopo. All da ones I wen make fo show erybody How awesome me.

Esther 4:16

“Go bring togedda all da Jew guys you can find inside Susa town. No eat food so you can pray fo me. No eat an no drink fo three day, day time o nite time. Me an da wahines dat work fo me, we goin do da same ting, no eat an no drink notting fo three days too, fo us pray. Afta we do dat, I goin go in front da king, no matta I stay broke da rules. An if I mahke, I mahke.”

1 Peter 3:20

Dey da peopo dat neva like lissen God long time befo time. Dat time, wen Noah stay make da big boat, God stay wait fo da peopo fo do wat he tell um fo do, but dey neva like do um. Dass why ony da eight peopo inside Noah boat wen come outa da big flood okay.