1 Peter 4:18 - Hawaii Pidgin Bible

¹⁸ Jalike da Bible tell, “If stay real hard fo da good guys Fo come out okay, Wat goin happen to da guys dat ack jalike God no matta, Da guys dat stay do bad kine stuff?”

1 Peter 4:18 交叉參考

Smart Guys 11:31

Fo shua, da peopo dat erytime do da right ting, God goin make good to dem fo dat Even befo dey mahke. You can stay shua even mo plenny, dat God goin pay back Da bad kine peopo dat stay do bad kine stuff.

Ezekiel 18:24

But maybe somebody dat do da right kine stuff walk away from do da right kine stuff, an no do wass pono cuz dass da same pilau kine stuff dat da bad kine guys do. You guys tink dat da buggah goin get da real kine life, o wat?! No ways! I goin foget da good kine stuff he wen do befo time. Wat he do now, I no can trus da buggah! Cuz he do bad kine stuff, he goin get cut off from me!

Luke 23:31

Cuz if dey stay do dis kine stuff to one good guy like me, wat goin happen to da peopo dat not good?”

Jude 1:15

He da Judge. Erybody goin stan in front him, An he goin show all da bad kine stuff dey do. Da bad kine guys dat no mo respeck fo him, Dey ack jalike God no matta. But God, he goin show all da bad kine stuff Da bad kine guys dat no respeck him tell agains him.” Dass wat Enok tell.

1 Corint 10:12

Eh! If You tink you stay strong now, mo betta you watch out so you no do bad kine stuff.

Rome 1:18

One mo ting God show us guys: Get peopo ack jalike God no matta, an dey do da kine tings dey not suppose to do. But God had it wit wat dey do. Az why he goin judge um from up dea in da sky. Inside, dey know wass true, but dey stay do da kine tings dey not suppose to do. Az why dey no let odda peopo know wass true.

Jesus Guys 14:22

Dey give good kine words to da peopo dat stay tight wit Jesus fo help um stick wit da Good Stuff Bout Jesus fo dem trus Jesus. Dey tell, “Us guys gotta suffa plenny befo us guys see God come oua king.”

2 Peter 3:7

An you know wat goin happen wit da sky an da world dat get nowdays? God wen awready tell how goin be wit dem. He let um stay lidat right now, but he goin burn um up wen da time come. Dat time, God goin be da Judge an wipe out da peopo dat ack jalike God notting.

1 Peter 5:8

Use yoa head fo know wat fo do erytime! Watch out! Da Devil stay agains you. Dass why he stay go all ova da place jalike one wild lion, looking fo somebody fo him eat up.

Rome 5:8

But God show how plenny love an aloha he get fo us, cuz same time we do bad kine stuff, Christ still yet wen mahke fo us.

Zekariah 13:9

I goin put da one third a dem inside da fire. I goin burn all da junks outa dem Inside da real hot fire, Jalike peopo do fo silva. I goin tes um out jalike dey do fo gold. Dey goin call me by my name. An I goin talk to dem. I goin tell, ‘Dey my peopo!’ An dey goin tell, ‘Da One In Charge, he oua God!’ ”

Jeremiah 25:29

Da firs ting I goin do, I goin punish da peopo from Jerusalem, da town dat get my name! An if I do dat, how come you guys tink I no goin punish you too?! Fo shua I goin punish you guys! I goin make war agains erybody dat stay on top da earth!’ ” Az wat Da One In Charge, da God Ova All Da Armies, tell.

Hebrews 4:1

So den, God wen make one promise dat he get one place dat he like give us fo us res inside. An dat promise still stay good fo us today. Az why watch out an come sked if look like any a you guys goin miss out on dis res.

Rome 5:6

Wen us guys neva have powa notting, az da time God wen pick fo Christ mahke fo all us guys dat wen ack jalike God no matta.

Start 13:13

But da Sodom peopo, dey bad peopo. Dey erytime do bad kine stuff dat Da One In Charge tell dey betta not do.

Jesus Guys 27:24

He tell, ‘No sked, Paul. You gotta stan in front da Big King Cesar. God stay do plenny good kine stuff fo you, an now he goin let all da guys dat ride boat wit you come outa dis okay. Dey no goin mahke.’

Luke 15:1

One time all da guys dat colleck tax money fo da govmen an da odda guys dat get one bad rep wen come togedda by Jesus fo lissen him.

1 Samuel 15:18

An he give you one job fo do. He tell, ‘Go wipe out all dose Amalek peopo fo me. Cuz dey stay do real bad kine stuff, az why. Make war agains dem till you wipe um all out.’

Jesus Guys 27:31

Paul tell da captain an da army guys, “If dese guys no stay by da boat, you no goin come outa dis.”

1 Timoty 1:9

We know da Rules From God not fo da peopo dat erytime do da right ting. God wen make da Rules fo da peopo dat like broke um, da peopo dat no like lissen, da peopo dat ack jalike God notting, da peopo dat do bad kine stuff, da peopo dat no stay clean inside, da peopo dat talk bad bout God, da peopo dat kill dea faddah guys an muddah guys an odda peopo.

James 5:6

You guys, you make trouble wit da judge fo da peopo dat do da right ting erytime, an den you kill um. An dey no fight back.