1 Peter 1:11 - Hawaii Pidgin Bible

¹¹ Christ Spirit inside dem wen tell um how Christ goin suffa. An da Spirit tell all da awesome tings dat goin happen afta he suffa. Az why da talka guys wen try find out wat time an how goin stay wen all dat goin happen.

1 Peter 1:11 交叉參考

Start 3:15

From now on, you an da wahine, I goin make you guys stay agains each odda. Yoa kids an her kids, Dey goin stay agains each odda too. One a dem goin wack yoa head, An you goin bite him on da heel a his feet!”

Start 49:10

Judah guys goin carry da spesho stick fo show peopo dey da king, Da Judah ohana goin keep dat stick foeva. Till da real owna show up Dass goin be da one Dat da odda peopos goin do wat he tell um fo do.

Isaiah 49:6

So now, dis wat Da One In Charge tell: “But dass ony one small kine job, Fo you bring back by me Da ohanas dat come from Jacob, An da ones from da Israel ohanas Dat I wen take kea. Mo den dat, I goin make you Jalike one light fo da peopo dass not Jew guys Fo you come da one Dat goin get peopo all ova da world outa trouble fo me, Even da peopo from da mos far places inside da world.”

Daniel 2:44

“Da time numba four kine govmen get powa, God Inside Da Sky goin set up anodda kine govmen. Dat govmen, no goin come wipe out eva, an odda peopo no goin get um. Dey goin smash all da odda kine govmens, so dey no mo powa. An dat govmen, goin stay solid foeva.

Zekariah 13:7

Dis wat Da One In Charge, da God Ova All Da Armies, tell: “Grab my sword! Go stab my sheep guy, Da guy dat work wit me! Wack da sheep guy, an da sheeps goin scatta. I even goin go agains da young sheeps.”

Zekariah 14:9

Erybody goin know Da One In Charge da ony king ova all da world. Dat time he goin be da ony God, an his name, Da One In Charge, goin be da ony name fo pray to.

Matthew 26:24

I da Fo Real Kine Guy. I goin mahke jalike da Bible wen tell befo time. But bummahs to da guy dat goin set me up. Mo betta he neva wen born!”

Luke 24:44

He tell um, “All dis happen jalike I wen tell you guys wen I stay wit you. Eryting Moses wen write inside da Rules, an eryting da odda guys dat wen talk fo God wen write down, an eryting dat get inside da Songs Fo God—all da stuff dat stay from befo time inside da Bible, all dat, talk bout me! An eryting dey wen write, goin happen!”

John 12:41

Isaiah wen tell dat cuz he wen see how awesome Jesus stay, an he wen tell wat goin happen wit Jesus.

Jesus Guys 16:7

Den dey come nea Mysia an try fo go inside Bitynia, but Jesus Spirit no let um go inside dea.

Rome 8:9

But fo you guys, da way you wen live befo time, wen you live fo ony you, make shua da ol way no control you guys no moa. Cuz God Spirit live inside you, you guys get da powa fo do da kine stuff God Spirit like you fo do. If somebody no mo Christ Spirit inside him, dat guy not one Christ Guy.

Galatia 4:6

So den, cuz you guys his kids, God put da Spirit from his Boy inside us guys, fo now us tell God, “Daddy, you my Faddah!”

2 Peter 1:21

Cuz da stuff dey wen write, dey neva write um jus fo make up someting. Wat dey wen write, az wat God wen give um. Dey tell wat da Good An Spesho Spirit wen show um fo tell.

Jesus Show 19:10

An I go down by da angel feets fo show him love an respeck. But he tell me, “No do dat! I ony one worka fo God jalike you an yoa braddahs an sistahs dat tell da trut bout Jesus. Show love an respeck fo God! Cuz da trut bout Jesus, dass wat make da guys dat talk fo God know wat fo tell.”