1 Corint 6:17 - Hawaii Pidgin Bible

¹⁷ But da guy dat stay tight wit Da One In Charge, jalike da two a dem togedda come one spirit.

1 Corint 6:17 交叉參考

Galatia 2:20

Jalike I wen mahke wen Christ mahke on top one cross. Now, I no stay alive no moa, but Christ stay alive inside me. I get da real kine life dat goin stay to da max foeva inside my body now cuz I stay trus God Boy. He get plenny love an aloha fo me, an he wen give up his body wen he wen mahke fo me.

1 Corint 12:13

Us guys stay tight wit da one Spirit. Az why, wen us guys wen get baptize, us all come jalike we one peopo. No matta we Jew o not, no matta us gotta work like one slave o not, God wen give all us guys da One Spirit, jalike us all drink watta from da same puka.

John 3:6

Peopo born from peopo, an peopo spirit born one mo time from God Spirit.

Efesus 5:30

Az cuz all us guys, jalike us da parts fo Christ body.

Philippi 2:5

All you guys, figga lidis, jalike Jesus Christ.

Rome 8:9

But fo you guys, da way you wen live befo time, wen you live fo ony you, make shua da ol way no control you guys no moa. Cuz God Spirit live inside you, you guys get da powa fo do da kine stuff God Spirit like you fo do. If somebody no mo Christ Spirit inside him, dat guy not one Christ Guy.

1 Corint 6:15

You guys donno dat Christ own yoa body, jalike you guys was da parts a Christ body. So now, wat? You guys tink I goin take da parts from Christ body, an make um part a one wahine body dat fool aroun fo money? No way! Not even!