1 Corint 3:20 - Hawaii Pidgin Bible

²⁰ Anodda place da Bible tell: “Da One In Charge, he know how da smart guys tink, Da guys dat suppose to know wat fo do. He know dey ony tink junk kine stuff dat wase time.”

1 Corint 3:20 交叉參考

Songs 94:11

Da One In Charge, He know how peopo tink. He know wat dey tink bout, Ony wase time.

Colosse 2:8

Watch out! No let nobody make you come hamajang da way you tink, an take you ova fo come dea guys! Dey goin trick you guys fo trus wrong religious kine stuff dat no mean notting. Dey get all dis kine teaching ony from wat da peopo pass down, from now an from befo time. An dey get um from da spirits dat stay in charge a da world. But dey neva get um from Christ!

Rome 1:21

Dey know bout God, but dey no like tell him, “Eh, you stay awesome cuz you stay God!” Dey no like tell um “Mahalo plenny!” Dass why ony poho wat dey tink bout God. Cuz dey no undastan notting, jalike eryting come all dark inside dem.

Songs 2:1

How come da diffren nations Make secret kine plan?! An how come da diffren peopos Tink plenny—but ony wase time?!

Smart Guys 21:30

No matta you know wat fo do erytime, No matta you undastan eryting, No matta you make one plan, Wen you go agains Da One In Charge, Notting goin happen!