1 Corint 2:11 - Hawaii Pidgin Bible

¹¹ Us guys, we all get oua spirit inside us. Dass how we know how we tink an ack. Same ting wit God—No mo nobody know how God tink an ack, but God Spirit, he know.

1 Corint 2:11 交叉參考

Smart Guys 20:27

Da One In Charge use da spirit he put inside us Jalike az one lamp. He know eryting us guys tink, An no miss notting inside us.

1 Corint 2:10

But fo us guys, God show us all da stuff we neva know befo time cuz God Spirit stay in charge a us. Da Spirit, he undastan wat eryting mean. He even know eryting bout God, even wass hard fo us undastan.

Jeremiah 17:9

“Us peopo, inside we stay sly, fo real kine! Jalike us get one sick dat no can come good. No mo nobody undastan how bad us!”

Smart Guys 14:10

Ony da guy dat stay sad inside Know how much he stay sore. An wen somebody stay real good inside, Odda peopo no can feel da same ting.

Smart Guys 20:5

Wen one guy make one plan fo do someting, Hard fo tink wat da guy like do, Cuz his manao, jalike deep watta. But da kine guy dat undastan plenny, He goin know wat da odda guy stay plan, Jalike he pull up watta outa one deep well.

Job 15:8

You sit wit da ones dat make plan wit God, an lissen dem, o wat?! You tink you da ony one dat know wat fo do erytime, o wat?!

1 Corint 12:8

He give his Spirit to some guys fo give dem da powa fo tell odda peopo wass da bestes ting fo dem do. Fo odda guys, da same Spesho Spirit give um da powa fo dem tell wat dey undastan.