1 Corint 15:55 - Hawaii Pidgin Bible

⁵⁵ “Da Devil like make us guys mahke, But he wen lose awready! Us no goin cry inside, Cuz da Devil no can wack us guys fo us mahke no moa!”

1 Corint 15:55 交叉參考

Hosea 13:14

You tink I goin pay da price fo dem So da Mahke Peopo Place no mo powa ova dem? No ways! You tink I goin pay fo dem no mahke? Not even! Az da real bad kine sick goin make dem mahke! Da Mahke Peopo Place goin wipe dem out! No way I goin show dem pity!

Rome 5:14

Erybody from Adam time till Moses time gotta mahke fo shua, no matta dey neva do da same ting dat God tell Adam fo no do. Still yet, dey wen go do odda kine bad stuff. Az why dey gotta mahke jalike Adam. How was wit Adam, dass how stay fo erybody. Adam set um up fo erybody mahke, but same time he set um up fo Jesus show up bumbye.

Jesus Guys 2:27

Cuz God, you no goin let me stay inside Hell, An you no goin let me rot, cuz I stay good an spesho fo you.

Songs 89:48

No mo nobody can live An no mahke eva! No mo nobody can do someting Fo get outa da Mahke Peopo Place! (Time out fo da music.)

Jesus Guys 9:5

Saul tell, “Who you, Boss?” Da voice tell, “Me Jesus, da Guy you stay make suffa.

Teacha 8:8

No mo nobody get da powa fo stop da wind. No mo nobody get da powa fo figga wen dey goin mahke. Jalike da leadas no goin let nobody go home wen get war. Same ting, da bad kine stuff peopo do, No goin get um outa trouble.

Luke 16:23

Inside Hell da rich guy suffa plenny, an he look up. He spock Abraham far away wit God, wit Lazarus by his side.

Teacha 3:19

Wat goin happen to da peopo an da animals, same ting! Jalike peopo mahke, da animals mahke. Dey all breave da same. Peopo not mo betta den da animals! All dat no mean notting. An no make sense!

Jesus Show 9:10

Dey get da tail an da sting jalike da scorpion. Dea tail get powa fo make plenny peopo suffa fo five month.

1 Corint 15:56

How come he can wack us guys now an we mahke? Az cuz we do bad kine stuff, az why. An how come da bad kine stuff we do, get plenny powa ova us lidat? Cuz da Rules From God show dat da bad kine stuff not pono, az why.

Job 41:22

His neck real strong. Wen peopo see him coming, dey lose fight.