1 Corint 11:24 - Hawaii Pidgin Bible

²⁴ He tell God “Mahalo plenny!” an he broke da bread up. Den he tell, “Eat dis piece bread. Dis, my body, dass goin be fo you guys no foget me.”

1 Corint 11:24 交叉參考

Isaiah 26:8

Da One In Charge, fo shua us guys like live Da way you show us fo us stay wait Fo find out how you goin judge peopo. Da ting us fo real kine like fo erybody know, Is wat kine god you, an no foget you.

Love Song 5:1

Eh sistah! I stay come inside my garden, My bride, da one I love. I bring my myrrh, an my balsam spice too. I eat my honeycomb, an my honey too. I drink my wine, an my milk too. Eh ma frenz! Eat an drink! You guys dat love each odda, drink plenny, Till you come full.

Smart Guys 9:5

‘Go come hea! Go eat my food! Go drink da wine, Da one I wen make ready!

Outa Egypt 12:14

“Da day I do dat, goin come one spesho day ery year, fo you guys no foget how I pass ova you guys an no wipe you out. From dat day, ery year, you guys goin make spesho trip fo make one religious kine ceremony fo me, Da One In Charge. You guys, yoa kids, an dea kids goin do dat foeva. Az goin be one rule bout how you guys goin make fo me foeva, da Passova Time.

Isaiah 25:6

On top dis mountain, Jerusalem side, Da One In Charge, Da God Ova All Da Armies, He goin make one big luau fo all da diffren peopos. Goin get da bestes kine food, All da bestes kine wine, An good kine meat wit plenny good stuff inside da bone, Ol kine wine dat no mo junks awready.

Love Song 1:4

Take me away wit you! Hurry up! Us go! Eh! You my king guy! Bring me inside da bedroom! Us guys like dance an sing cuz a you! We stay real good inside! Us goin talk good bout how you guys make love togedda now, Mo den we talk good bout da wine. So az right, fo dem get plenny love an aloha fo you!

Songs 111:4

He make shua nobody foget Da awesome kine tings he do. Da One In Charge, He like do good tings fo peopo An show pity fo dem.

Matthew 26:13

Dass right! An I like tell you guys dis too: wea evas my guys goin teach da Good Kine Stuff Bout Me, all ova da whole world, dey goin tell wat dis wahine wen do, an da peopo not goin foget her.”

Songs 22:29

Fo shua, da peopo all ova da world dat get plenny stuff, I like dey go down in front Da One In Charge Fo show him love an respeck. I like all da peopo go down on top dea knees in front Da One In Charge An all da ones dat goin go down inside dea grave, Cuz dey no can make shua dey goin stay alive.

Songs 22:26

Da peopo dat odda peopo put down, Dey goin eat plenny, all dey like fo eat! All da peopo dat like know Da One In Charge, Dey goin talk good bout him. I like fo dem guys get life an stay good inside, foeva!

Joshua 4:7

Tell um, ‘Wen da pries guys take Da Box Fo No Foget Da Deal Da One In Charge Wen Make an go cross da Jordan Riva, da riva wen pau run. Dese stones goin be jalike one sign fo da Israel peopo, fo no foget foeva wat wen happen hea.’ ”

Outa Egypt 28:12

Sew da frames fo da stones on top da two shoulda pieces. Dose two stones, dey fo make da pries guy no foget da Israel peopo. Cuz Aaron, erytime wen he go in front Da One In Charge, he take dea ohana names dea, on top his two shouldas, fo him no foget bout dem.

1 Corint 11:23

You know, was Da One In Charge, Jesus, wen tell me bout dis, an I tell um all to you guys. Da Boss Jesus, dat same nite befo dey set um up fo kill um, he pick up one bread.

1 Corint 11:25

Same ting afta dey eat, he take da wine cup, an he tell, “Dis cup mean dat God wen make one new kine deal fo you guys, an I gotta bleed an mahke fo make um happen lidat. Weneva you guys drink um, dass goin be fo you guys no foget me.