1 Corint 10:5 - Hawaii Pidgin Bible

⁵ But God neva like how plenny peopo wen ack. Az why dey wen mahke, an dea bodies dey wen bury all ova da diffren places wea dey wen go.

1 Corint 10:5 交叉參考

Songs 106:26

Den God put up his hand An make one strong promise Dat he goin make dem all Fall down an mahke, Ova dea inside da boonies.

Songs 90:1

Eh Boss! From oua ancesta guys time till now, You jalike oua home!

Songs 95:11

Cuz a dem, I wen come huhu An make one strong promise— I wen tell, ‘No way dese peopo goin go Da place wea I goin make dem come So notting bodda dem!’ ” An dass wat God tell you guys today.

Ezekiel 20:36

Jalike I wen show yoa ancesta guys dat dey do wass wrong, an punish dem inside da Egypt boonies, az how I goin show dat you guys do wass wrong an punish you too.

Census 14:22

An cuz az how I stay, I tell dis: Dese peopo wen see how awesome me. Dey wen see da awesome stuff I do inside Egypt an inside da boonies. An still, dey no lissen me, an dey tes me ova an ova!

Census 14:37

But dose guys dat tell bad kine stuff bout da land, dey get one bad kine sick. Dey fall down mahke in front Da One In Charge.

Rules Secon Time 2:14

“Az was thirty-eight year afta we go way from Kadesh-Barnea da firs time dat we go da odda side a da Zered Stream. Dat time, all da fighta guys dat wen stay alive befo time, awready mahke, jalike Da One In Charge wen make one strong promise fo erybody know dat he goin do um to dem.

Hebrews 3:17

An wen God tell, “Forty year awready, I had it wit dem guys!” who he stay talking bout? Az da peopo dat wen do bad kine stuff, an bumbye dey all mahke in da boonies, an dea bodies stay dea.

Jude 1:5

I figga lidis: I know you guys know all dat stuff awready. But I like make you guys tink bout da time Da One In Charge wen take da peopo outa Egypt, so no mo nobody can make um go back eva. Den afta dat, he wen wipe out da peopo dat neva trus him.