21 Umwene saagipitula imivili jetu imihomefu sambi agiwuyape gihwane nu muvili gwakwe ugunyandolo, ukwimila uludali lula lwe kwa ukukola lulo ahwana ukufivika ifinu mbefili pasi ya uwutema wakwe.
Na wevakumulava, Yesu apitwike uluhwano lwake, uwusu wakwe wamalavadike ndawe ilisuva, neke na gimyenda jakwe jave myelu nda lung'ali.
Neke Yesu avapitule, “Mwivayasi, pakuva simuwuseli uwandike uwelu nambi uludali lwa Nguluvi!
Neke Yesu aase neke avatigile, “Uludali mbeluli ulwa kuchanya na mung'i ngapelitwe nene.
Pakuva vala vevevahagule na Nguluvi ukuhuma pidaha, vawo veavahagwe, sambi vihwane na umwanakwe, sambi umwanakwe ave mulongosi mu vanyalukolo awolofu.
Uwumi wenyu wa nachene ye Kilisito, neke nape aasile, pepene pe nayi nyenye samusa pamwi na umwene neke muhange mundolo!
Vanyawende vangu, hwehwe twivana va Nguluvi lino, neke ulwene silulava lukagulika hilo lwesatulava. Neke tukulukagula ukuta, ulusika lwe Kilisito alava kweleluka, satwihwana nave pakuva satumulava lula lweiwali.
“Nene ye ndiva ukutala na ukudugilisa.” Ilonga Umutwa Nguluvi yekwali, yeeikwali na yeakusa ye umunyaludali mbeluli.
