Avafilipi 2:15 - Lufingano Lupya

¹⁵ sambi muve avanu avesiwe, vagaya lubi lwakulongwa, wita avana vagolofu va Nguluvi vevakwikala mung'i iyi imbi ya uwuyasi. Samumalavadika pagatinagati pavene wita ing'eng'esi wesasing'alika kwilanga,

Avafilipi 2:15 交叉參考

Matayo 10:16

“Mupulikisage, nene nguvatuma nda ng'olo mukipinga cha ingwami; ino muvesage mwivasugu ndawe inzoka kangi muvesage mwivalele ndawe ingunda.

Matayo 17:17

Nave Yesu ndawe amupitulige akumutigila, “He! Nye, nye mbegalo ingaya lufuuwo, na imbegalo ya uwuyasi! Mbi ndikalasa na nyenye mbaka panili? Na mba pendivakangalila mbaka panili? Ongo mundetelage tandi ipa uyo munyakilambo.”

Matayo 5:45

Sambi nyenye muve mwivana va Udadenyu yealikuchanya. Pakuva umwene akuvang'alikila ilisuva avananzi na avagolofu, na ukuvaletela indonya avagolofu na avananzi.

Matayo 5:48

Apo nyenye muvesage mwivakwilanifu, ndawe lwemukwilanifu Udadenyu uva kuchanya.”

Luka 1:6

Na mbevali we vavili vevagolofu pamiho ga Nguluvi, mbepali ve vinatifu mung'ani na indagilo mbesili isa Nguluvi.

Luka 6:35

Nyenye muvendage avatavangu venyu, nu kuvapigila inofu, mutawulage kitapilulilwa, na ikipelwa chenyu sakiva kikomi, samuva mwivana va Nguluvi yalikuchanya. Pakuva umwene muwuya kwa avagaya kilumbo na avanangifu.

Yohane 5:35

Umwene Yohane e lung'ali ulukwaka nu kung'alika, na nyenye kwa ulusika ludodo mwawendige ukukima mu lung'ali lwakwe.

Ifipigo 2:40

Petulo awolelelye kwa nzolofu, nu kuvasukanisa we akuvagongola avanu akuvatigila, “Mwiponiage nyenye na amalugu inzanangifu senyu.”

Ifipigo 20:30

Na ukuhuma mwa nyenye vawoneka avanu vevalonga ing'ani isa uwudesi sambi vavayase avanu vavafwate avene.

Avalumi 16:19

Pakuva ichoga chemwinacho kikapulise kuvanu mbevali, nambi nene mbe na luhekelelo kwa nyenye, ngembwenda muvelage na uluhala ulukwilaniche mufinu ifinofu na muvelage simwivanga kinu mung'ani imbi.

1 Avakolindo 1:8

Umwene avakangasa nyenye mbaka kumudugo sambi samuwoneke simwivananzi ikimunyi kila cha Umutwa Yesu Kilisito.

2 Avakolindo 6:17

Sweno Umutwa ilonga kangi, “Muhegage apawo, mukilege nawo, mulapamisa ikinu ikihongawinya, nani ndivanukila.

Avaefeso 5:27

sambi ikwavile likanisa ilyelu na ilyesiwe hilo, ilikanisa iligaya mambilila ga uwaafu nambi wulema nambi ikingi ikindawe siso.

Avafilipi 1:10

sambi muhwane ukuhagula ulukani ulunoje hilo. Ipo pepene pemuva mwesiwe simwilongwa fivi mulukani lweluvesaga lula pa ikimunyi kila cha Kilisito.

Avafilipi 3:6

nane nde ndimupifu hilo, ndalitesise na likanisa. Na kulubali lwa ukwimila uwugolofu wewiwonekaga ukukola ukwinatila indagilo, nene sindendimwananga kinu nda.

1 Avatesaloniki 5:23

Nguluvi ye akutupela uwikalakunoga—avawuyapage nyenye ukuva velu kwa lwelweluvesaga na ukusigosa inumbula senyu, na imivili jenyu pataali na uwanangifu wewewuvesaga ulusika lwa ukusa kwakwe Umutwa vetu Yetu Kilisito.

1 Timoti 3:10

Lwivaje tandi, vagelwage, pevawonike ulwa vahwanite pepene pevapigage ikipigo chawo.

1 Timoti 3:2

Sweno umwimilisi va likanisa lumuvaje avelage yula yesilongwa fibi; lumuvaje avelage ategwe mung'inetu yumwi hela avelage musikimafu yeakwikomalila, mumilongele, munyalulumbo; na lumuvaje avelage mwanukila vagenzi na yeahwanite ukwigisa;

1 Timoti 5:14

Sweno ngembwenda avafwile avadodo vagomwage, vegale avana na ukulolela ikaye sawo sambi avatavangu vetu valemwe ukupelwa ikilega cha ukutung'ula mu wananzi hwehwe.

1 Timoti 5:20

Vala avipiga inzanangifu vakenyelage pamalugu sambi avanu vangi wogope,

1 Timoti 5:7

Vapelage uwulagise uwu, valang'ulilwa lungi.

Tito 1:6

Umuvina va likanisa lumuvaje avelage munu yesimwananga kinu, avelage yeina umung'inetu yumwi swe, na avanakwe luvavaje vavelage yevafuuvitwe, vesivipulisa ukuta vanyamabatu nambi avagaya kwipulika.

Tito 2:10

nambi ukuva na kiwokowoko. Ulungi na lulo luvavaje ukwilagila ukuta avene vanu vanofu na avihuvilwa mbepali, sambi kwa ifipigo fyawo mbefili. Vasipele ululumbo ulunofu inzigiso kwa Nguluvi, Umupoki vetu.

Tito 2:15

Ino, veve wigisage ing'ani iso na pigilage kolage ululagi lwako mbeluli ukuvasukanisa na ukuvakenyela vala avakukupulikisa. Na ulolelage munu alakubedala.

Avaebulaniya 7:26

Sweno, Yesu ye mutambisi umuvina yeakwilaniche hilo mu wugulumu wetu. Umwene mwelu, mugaya wananzi nambi nzanangifu mulumwene; asumuli mwa vanyanzanangifu na apelitwe indolo mbaka kuchanya.

1 Petulo 2:12

Imigendele jenyu pa vamyanza givaje ukuva minofu hilo, sambi luve nambi pevavavakuvafila ukuta mwipiga imbi vahwane ukwimila ifipigo fyenyu ifinofu na palulo vamupele indolo Nguluvi ikimunyi pesaakusa.

1 Petulo 2:9

Neke nyenye mwilukolo uluhagule, uwutambisi wa uwutema, ulukolo ulwelu, avanu vakwe yumwene Nguluvi, sambi mudalike ifipigo fyakwe finyandolo fyeavakemelye uluhuma mulwisa swe akuvingisa mu lung'ali lwakwe ulukomi.

2 Petulo 3:14

Lino, vanyawiyendi vangu, pemuva mwisindila Ikimunyi kila musugunalage hilo ukwiyesa mwiva simwivananga kinu pa Nguluvi, na ukwilamula nave.

Uwugubulilwe wa Yohane 2:5

Sweno, piwukage pala peuke wipwali peuke siulava ugwa, ukasileke inzanangifu sako, na ukupiga ndawe pala pamwandi. Pesi ndahihyo, ngusa kwa veve na ukukihesa ikimikiso cha itala yako pala pekipwali.

Uwugubulilwe wa Yohane 3:9

Lavagee! Ngusindikila veve ililugu lya avanu vakwe Setani, avanu vevakwitigila avene Vayudaya kumbi vadesi. Ena, ndivasindika kwa veve na ukuvawuyapa vakufugamile wewilava, sambi valukagule ukuta nachene ngwenda veve.