ZEFANIAH 1:2 - Lai (Hakha) Common Language Bible 2006

² Vawlei cung i a ummi thil vialte cu thiang tein ka phiah hna lai, tiah Bawipa nih a ti.

ZEFANIAH 1:2 交叉參考

GENESIS 6:7

“Ka sermi minung vialte hna hi vawleicung in ka hloh dih hna lai. Saram vialte le va vialte he ka hloh dih hna lai, ka rak ser hna hi kaa ngaichih,” a ti.

2 CHANRELNAK 24:24

Siria ralkapbu cu mi tlawmte he an ra ko na in, annih kut chungah khan Bawipa nih ralkapbu nganpi cu a pek hna, zeicahtiah annih nih Bawipa, an pupa hna Pathian kha an hlawt. Cuticun Joash cungah biaceihnak kha an tlunter.

2 CHANRELNAK 36:21

mah hihi Jeremiah kaa in Bawipa bia a chuakmi, ram nih a sabbath hna cu aa lawmhpi dih hlantiang, timi tlinternak caah khan a si. Kum sawm sarih tlinternak caah khan rawkral in a um chung vialte sabbath kha a ul ko.

ISAIAH 6:11

“Hi bantuk hin zei can dah a um lai, Bawipa,” tiah ka hal i, “Khuapi cu a rawk dih i a lawn dih tiang—inn cu a chung i mi umtu an um lo tiang—hi ram hi a kin in a kin dih cikcek tiang a si lai.

JEREMIAH 34:22

Keimah nih nawl ka pek hna lai i hi khuapi ah hin an ra kir ṭhan lai. An tuk lai, an lak lai i an khangh dih lai. Judah ram khua hna cu ahohmanh an um lonak thetse ram bantuk ah ka ser hna lai, tiah Bawipa nih a ti.

JEREMIAH 36:29

Cun Judah siangpahrang Jehoiakim sinah cun Bawipa nih hi bangin a ti, tiah na va ti lai: Hi cazual cu na khangh i, ‘Zeicahdah a chungah hin Babilon siangpahrang cu a ra hrimhrim lai i hi ram hi a hrawh lai i minung siseh, saram siseh a thah dih hna lai, tiin na ṭial? na ti.

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

ṬAHNAK HLA 2:17

Bawipa nih aa timhmi cu a tuah cang, A hronak hna cu a tlinter cang; Hlan liopi in a ruah cang bantukin Zaangfahnak um loin aan hrawh i Na ral cu na cungah a lawmhter hna i Nangmah an dohtu cu a lianhnganter hna.

MIKAH 7:13

Sihmanhsehlaw vawlei cu a cung i a ummi minung hna ṭhat lonak ruangah khan thetse ram ah a cang lai.