ṬAHNAK HLA 2:17 - Lai (Hakha) Common Language Bible 2006

¹⁷ Bawipa nih aa timhmi cu a tuah cang, A hronak hna cu a tlinter cang; Hlan liopi in a ruah cang bantukin Zaangfahnak um loin aan hrawh i Na ral cu na cungah a lawmhter hna i Nangmah an dohtu cu a lianhnganter hna.

ṬAHNAK HLA 2:17 交叉參考

1 SIANGPAHRANG 9:7

khi tikah Israel mi cu ram ka rak pekmi hna chung khan ka hloh hna lai i ka min ca i ka thiantermi inn hi ka mit hmuh phak lo ah ka hlonh lai; cun Israel cu phungthluk bia le nihchuak capo bia ah mi vialte lakah a cang lai.

SALM 35:24

Bawipa, nang cu na ding, cucaah misual lo ka si kha ka thanhpiak tuah; ka Pathian, ka ral cu ka cungah diriam in umter hna hlah.

SALM 35:26

Ka nganfah innak i a di a riammi kha sung cikcek hna seh law khuaruahhar vansang au in um hna seh; amah nakin kan ṭha deuh aa timi kha ningzahnak le hmaichiatnak nih zual hna seh.

SALM 38:16

Harnak ka in ruangah ka ral hna hi diriam in umter hna hlah, ka tluk hi an i porhlawtnak ah canter hlah.

SALM 89:42

Teinak cu a ral hna tu kha na pek hna i annih cu lunglawm in na umter hna.

SALM 89:43

A hriamnam cu santlailo ah na ser hna i raltuknak hmun ah na sunghter.

ISAIAH 14:29

Filistia ram mi hna, nanmah an tutu hna fungfek cu a kiak cang, sihmanhsehlaw i lawm hlei hlah u. Rul cu pakhat a thih tikah a ṭha lo deuh chinmi kha a airawltu ah a hung um tawn. Rul ti chungin, a zuangmi rul kha a keuh.

JEREMIAH 18:11

Cucaah va kal law, Judah ram mi hna le Jerusalem mi hna cu, mah hihi Bawipa bia a si tiah va chim hna: Keimah cu umsertu ka si. Nan cung i a tlung dingah thil ṭhalo kha ka tim lio i nanmah dantatnak ding lam kha ka tuak lio. Lam ṭhalo nan zulhmi kha nan dihlak in kirtak cio u; nan ziaza le nan tuahnak kha i remh cio u, a ti.

JEREMIAH 4:28

Cucaah vawlei cu a ngaih a chia lai i cunglei van hna cu an nak dih lai; Keimah nih ka chim cang i ka timh cangmi a si caah Kaa ngaihchih lai lo i ka lung zong kaa let lai lo.”

JEREMIAH 40:3

nannih nih Bawipa cungah nan sual i a bia nan ngaih duh lo caah hi thil cu nan cung i a tlun nakhnga an chimh cangmi hna thil cu a tlinter.

ṬAHNAK HLA 1:5

A ral hna cu a bawi ah an cang, A ral hna cu nuam tein an um, Zeitintiah a tuahmi a ṭha lomi rel cawk lo ruangah khan Bawipa nih amah cu fak piin dan a tat; A fano cu an lo dih, Ral nih khan saltannak chungah an kalpi hna.

ṬAHNAK HLA 2:8

Bawipa nih Zion fanu kulhnak vampang hna cu hrawh awkin a ruah hrimhrimmi a si; A hri in an hmetngan kha a tah hna i Hrawh awkah khan a kut aa sum lo; Ralhruang chuntlung le vampang hna kha a ṭahter hna i An pahnih in hnabeidong in an ril ko.

ṬAHNAK HLA 3:43

Thinhun in naa mer i na kan dawi i zaangfahnak um loin na kan thah;

ṬAHNAK HLA 4:11

Bawipa nih diriam in a thinlinhnak kha a chuah i a thinhunnak kha a bungh; Zion ah mei a kau i a hram kha a kangh dih.

EZEKIEL 5:11

Ka hmunthiang kha na phung ṭhalo le na thil fihnung in na thurhhnawmh caah zaangfahnak um loin kan hloh lai, tiah Bawipa Pathian nih ka min chalh in ka ti; nangmah cu kan zuah hrimhrim lai lo.

EZEKIEL 8:18

annih cu ka thinhun in ka merhnawh hna lai i ka zaangfah hna lai lo i ka zuah fawn hna lai lo. Thang piin ka au hna hmanh seh law ka ngai lai lo,” tiah a ti.

EZEKIEL 9:10

Sihmanhsehlaw ka zaangfah bal hna lai lo i ka zuah bal hna lai lo. An tuahmi thil vialte kha zei ruangah dah an tuah, tiah ka chimter hrimhrim hna lai,” tiah a ti.

DANIEL 9:12

Kanmah kong ah siseh, a kan uktu hna kong ah siseh, na chimmi vialte kha na tlinter i kan cungah le Jerusalem khua cungah vawlei cung dihlak i a tlung tawnmi harnak vialte hna nakin a ngan deuhmi harnak kha na tlunter;

MIKAH 2:3

Cucaah Bawipa bia cu hi bangin a si: Hi mi hna cungah hin rawhralnak tlunter ka tim lio i ahohmanh an luat kho lai lo. I uangthlar ngaiin nan i chawk thluaimai kho ti lai lo, Zeicahtiah cu caan cu an caah caan chia a si lai.

ZEFANIAH 1:2

Vawlei cung i a ummi thil vialte cu thiang tein ka phiah hna lai, tiah Bawipa nih a ti.

ZEKHARIAH 1:6

Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.