ṬAHNAK HLA 1:16 - Lai (Hakha) Common Language Bible 2006
16 Hi thil hna ruangah hin ka ṭap i Ka mit cu mitthli in a luang; Keimah hnemtu ding le ka thazang hrimhtertu ding cu lamhlapi lawngah an um. Ka fapale hna cu lileng in an um, Ral nih a tei hna caah.
An ka serhsat tuk caah ka lung zong a rawk dih; zeihmanh ka tuah kho ti lo. An ka zaangfah rua lai tiah ka rak ruah, sihmanhsehlaw zaangfahnak zeihmanh ka hmu lo; a ka hnemtu an um rua lai tiah ka rak ruah, sihmanhsehlaw ahohmanh an um lo.
Cun hi vawlei cung i a um lengmangmi dinlonak hi ka zoh ṭhan. Hremmi hna cu an ṭap lengmang, sihmanhsehlaw ahohmanh nih an bawm hna lo. Anmah a hremtu hna kha thil ti khawhnak a ngeimi cu an si caah ahohmanh nih an bawm duh hna lo.
Bawipa nih aa thawh i, “Maw Jerusalem, nang cu harnak na ing i bawmtu na ngei lo, ahohmanh hnemtu na ngei lo. Asinain na hram cu lungvar man sung in ka ser ṭhan hna lai.
Cu bantukin a thukmi muihnak chung i nan um hmanh i nan ngaih duh lo ahcun, Lungthin fah tuk ah a ṭah lawng ka ṭap lai i ka mitthli lawng a tla ko lai; Zeicahtiah Bawipa tuurun cu sal ah kalpi an si cang.
Cucaah annih na chimh ding hna bia cu mah hihi a si: Chun zan in ka mitthli cu hul loin luang camcin ko seh, Zeicahtiah ka mi hna ngaknu thiang cu kuai cikcek in den a si i fak piin hma a ing.
Aho nih dah na cungah zaangfahnak a ngeih lai, Maw Jerusalem? Aho nih dah an in hnemh lai? Zeitindah na ningcang a si, ti hal awkah aho nih dah an in pialhnawh lai i na cungah, ṭhatnak tlung ko seh, an in ti lai?
Ka lu hi tikhor hei si seh law, Ka mit hi mitthli cerhtiput hei si seh law ka hei duh dah, Cuticun ka mi a thimi hna kha chunzan in ka ṭah khawh hna hnga.
Tlang cungah khin fakpi in ka ṭap lai i ka kiao len ko lai. Ramlak saṭil tlonnak ah khin ṭah hla ka lawh lai. Zeicahtiah annih cu an kang dih i ahohmanh nih an pal ti hna lo. Caw pawt thawng zong kha theih a si ti lo. Van i a zuangmi va hna le lolak saram hna zong kha an lo dih cang.
“Thihnak cu kan thlalangawng in an rung lut i Kan inn ṭhaṭha hna ah an lut cang; Khualak lam i ngakchia hna kha an thah hna i Khualak tual i tlangval hna kha an dawi hna,” tiin i cawnpiak hna seh.
Zan ah lunghno in a ṭap, A bel ah a mitthli a luang; Amah a dawtu hna lakah khan A hnemtu pakhat hmanh an um lo; A hawi vialte cu rawitu ah an cang dih i a ral ah an i cang dih.
A hni ah thurhnawmhnak cu aa beh i Hmailei a sicannak ding kha a ruat lo. A tluknak cu zumh khawh lo tiangin a si i Amah hnemtu ah ahohmanh an um lo. Bawipa, a harnak hi nangmah nih run zohpiak law, Zeitindah a ral nih an tei kha run hmuhpiak ko.
Ka ṭahnak ah ka mit a phing dih i Ka chung a vang; Ka lung cu ngaihchiatnak in vawlei ah bungh a si, Zeicahtiah khualak lam ah khan ngakchia le bawhte hna cu an ba i
Bawipa sinah cun lungriam tein ṭap tuah, Maw Zion fanu vampang; Na mitthli cu a chun a zan in tla thluahmah ko seh. Caan tlawmte hmanh i din hlah Na mitthli zong hul hrim hlah seh.
Annih nih fa an ngeih hmanh ah ka lakpiak hna lai i pakhat hmanh ka nganh hna lai lo. Hi mi hi ka kaltak tik hna ah an cungah thil ṭhalo ngaingai a tlung lai.
